Песен: 4 Создан:
06.05.2015 Обновлен:
06.05.2015
| 27 Июня | 2026 года |
Навигация
- Адам туугъан джеринде, ит тойгъан джеринде.
- Ат да турмайды бир териде.
- Джеринден айырылгъан – джети джылар, джуртундан айырылгъан – ёлгюнчю джылар.
- Арба аугъандан сора, джол кёргюзтюучю кёб болур.
- Юй ишлеген балта эшикде къалыр.
- Билгенни къолу къарны джандырыр.
- Ач къалгъандан, кеч къалгъан къолай.
- Соргъан айыб тюлдю, билмеген айыбды.
- Джырчы ёлсе, джыры къалыр.
- Уллу атлама – абынырса, уллу къабма – къарылырса.
- Чакъырылмагъан къонакъ – орунсуз.
- Тил бла келеди джыр да.
- Сакъламагъан затынга джолукъсанг, не бек къууанаса, не бек ачыйса.
- Харам къарнашдан, халал тенг ашхы.
- Ёлмесенг да, къарт дамы болмазса?
- Келинин тута билмеген, къул этер, къызын тута билмеген, тул этер.
- Аш иеси бла татлыды.
- Акъыл сабырлыкъ берир.
- Аманны къуугъан, аманлыкъ табар.
- Эм ашхы къайын ана мамукъ бла башынгы тешер.
- Дуния малгъа сатылма, кесингден телиге къатылма.
- Термилгенинги табмазса, кюлгенинге тюберсе.
- Байдан умут эте, джарлыдан ёгюз багъасы къорады.
- Сёз садакъдан кючлюдю.
- Джюрекден джюрекге джол барды.
- Иги сеники эсе да, сюйген кесимикин этеме.
- Юйлю уругъа ит чабмаз.
- Акъыллы – эл иеси, тели – эл баласы.
- Бет бетге къараса, бет да джерге къарар.
- Ишни аллы бла къууанма да, арты бла къууан.
- Телини эшигин, махтау джабар.
- Артына баргъанны, къатына барма.
- Чабар ат – джетген къыз.
- Къозулугъунда тоймагъан, къойлугъунда тоймаз.
- Сангырау къулакъ эл бузар.
- Ауузу аманнга «иги», деме.
- Адебсиз адам – джюгенсиз ат.
- Арбаз сайлама да, хоншу сайла.
- Башы джабылгъан челекге, кир тюшмез.
- Мал ёлсе, сюек къалыр, адам ёлсе, иши къалыр.
- Ёлген ийнек сютлю болур.
- Эллинг бла джау болсанг да, юйюнг бла джау болма.
- Тил – кесген бычакъ, сёз – атылгъан окъ.
- Айранны сюйген, ийнек тутар.
- Тойгъанлыкъ къойгъа джарашады.
- Аджал соруб келмез, келсе, къайтыб кетмез.
- Адам сёзге тынгыла, акъыл сёзню ангыла.
- Чомарт къонакъ юй иесин сыйлар.
- Аурууну келиую тынч, кетиую – къыйын.
- Тёгюлген тюгел джыйылмайды.
Фонд содействия развитию карачаево-балкарской молодежи «Эльбрусоид»
© 2003-2026 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
