Аудио :: Аудио:: Гергокаева Халимат

Ашха уста, юйюнде болсун
Дууулдаса – бал чибин, къонса – къара чибин.
Тойгъан джерге джети къайт.
Чомартха Тейри да борчлуду.
Керилген да, ургъан кибикди.
Ишни аллы бла къууанма да, арты бла къууан.
Келгинчи, къонакъ уялыр, келгенден сора, къонакъбай уялыр.
Ата Джуртуму башы болмасам да, босагъасында ташы болайым.
Аш кетер да бет къалыр.
Айтылгъан буйрукъ, сёгюлмез
Агъач – джерни чырайы, кийим – эрни чырайы.
Халкъгъа джарагъан, джарлы къалмаз.
Кёзю сокъурдан – къоркъма, кёлю сокъурдан – къоркъ.
Уллу айтханны этмеген – уллаймаз.
Иги адам абынса да, джангылмаз.
Къонакъ кёб келюучю юйню, къазаны отдан тюшмез.
Этим кетсе да, сюегим къалыр.
Ёлген аслан – сау чычхан.
Кесине оноу эте билмеген, халкъына да эте билмез.
Башланнган иш битер, къымылдагъан тиш тюшер.
Урама да – ёледи, сатама да – келеди.
Аш иеси бла татлыды.
Ач, тоймам, дейди, тойгъан, ач болмам, дейди.
Баш – акъыл ючюн, акъылман – халкъ ючюн.
Хансыз джомакъ болмаз.
Бал чибинни ургъаны – ачы, балы – татлы.
Сагъыш – къартлыкъгъа сюйюмчю.
Эл тойса, тоймагъан, эл къойса, къоймагъан.
Джиби бир къат джетмей эди да, эки къат тарта эди.
Айтылгъан сёз ызына къайтмаз.
Аш берме да, къаш бер.
Бозанг болмагъан джерге, къалагъынгы сукъма.
Адам туугъан джеринде, ит тойгъан джеринде.
Окъугъан – асыу, окъумагъан – джарсыу.
Билгенни къолу къарны джандырыр.
Намысы болмагъанны, сыйы болмаз.
Чакъырылмагъан джерге барма, чакъырылгъан джерден къалма.
Ач къарным, тынч къулагъым.
Ётюрюкчюню шагъаты – къатында.
Бетинги сатма, малынгы сат.
Намыс болмагъан джерде, насыб болмаз.
Бал – татлы, балдан да бала – татлы.
Ётген ёмюр – акъгъан суу.
Ачыу алгъа келсе, акъыл артха къалады.
Мухардан ач ычхынмаз.
Ашына кёре табагъы, балына кёре къалагъы.
Джюрекден джюрекге джол барды.
Чоюнну башы ачыкъ болса, итге уят керекди.
Таукелге нюр джауар.
Баргъанынга кёре болур келгенинг.

Логин:	Регистрация

Пароль:	Забыли пароль?

Запомнить меня

Аудио

Гергокаева Халимат

Скачать

Адрес