Аудио :: Аудио:: Созаруков Дахир

Чакъырылмагъан къонакъ тёрге атламаз.
Тешигини къатында, чычхан да батыр болур.
Айырылгъанланы айю ашар, бёлюннгенлени бёрю ашар.
Джангызны оту джарыкъ джанмаз!
Аманны тукъумуна къарама, игини тукъумун сорма.
Аз сёлеш, кёб ишле.
Этни да ашады, бетни да ашады.
Этим кетсе да, сюегим къалыр.
Ариу сёз аурууунгу алыр.
Юйлю уругъа ит чабмаз.
Кёб ашасанг, татыуу чыкъмаз, кёб сёлешсенг, магъанасы чыкъмаз.
Ишлегенде эринме, ишде чолакъ кёрюнме.
Эте билген, этген этеди, эте билмеген, юретген этеди!
Тёгюлген тюгел джыйылмайды.
Эрни эр этерик да, къара джер этерик да, тиширыуду.
Суу да къайтады чыкъгъан джерине.
Ач уят къоймаз.
Къазанны башы ачыкъ болса, итге уят керекди.
Къуллукъчума, деб махтанма, къуллукъ – хаух джамчыды!
Эл элде бирер малынг болгъандан эсе, бирер тенгинг болсун.
Ачлыкъда тары гырджын халыуадан татлы.
Юй кюйдю да, кюйюз чыкъды, ортасындан тюйюш чыкъды.
Кесинге джетмегенни, кёб сёлешме.
Битмегеннге сакъал – танг.
Огъурлуну сёзю – суу, огъурсузну сёзю – уу.
Гыдай эчки суугъа къараб, мюйюзле кёрмесе, джашма алкъын, дегенди.
Таш бла ургъанны, аш бла ур.
Къазанчы аман болса, къазаны къайнамаз.
Тили узунну, намысы – къысха.
Джарлыны эшигин махтагъан джабар.
Таукелге нюр джауар.
Юй ишлеген балта эшикде къалыр.
Кёб ант этген, кёб ётюрюк айтыр.
Хоншуну тауугъу къаз кёрюнюр, келини къыз кёрюнюр.
Аш иеси бла татлыды.
Аш хазыр болса, иш харам болур.
Адамны бетине къарама, адетине къара.
Башда акъыл болмаса, эки аякъгъа кюч джетер.
Намысы джокъну – дуниясы джокъ.
Эркиши – от, тиширыу – суу.
Махтаннган къыз, тойда джукълар.
Къонакъ кёб келюучю юйню, къазаны отдан тюшмез.
Чыкълы кюнде чыкъмагъан, чыкъса къуру кирмеген.
Къарыусузгъа кюлме, онгсузгъа тийме.
Къайтырыкъ эшигинги, къаты уруб чыкъма.
Къатыны харакетли болса, эри къымсыз болур.
Сёлеш деб шай берген, тохта деб, сом берген.
Эшекни не къадар тюйсенг да, ат болмаз.
Чабар ат – джетген къыз.
Адам сёзге тынгыла, акъыл сёзню ангыла.

Логин:	Регистрация

Пароль:	Забыли пароль?

Запомнить меня

Аудио

Созаруков Дахир

Скачать

Адрес