Песен: 3 Создан:
06.05.2015 Обновлен:
06.05.2015
| 8 Сентября | 2026 года |
Навигация
- Юйюнгден чыкъдынг – кюнюнгден чыкъдынг.
- Аман адамны тепсинге олтуртсанг, къызынгы тилер.
- Ёпкелегенни ашы татлы болады.
- Ойнай-ойнай кёз чыгъар.
- Тамбла алтындан бюгюн багъыр ашхы.
- Аманны тукъумуна къарама, игини тукъумун сорма.
- Айран ичген – къутулду, джугъусун джалагъан – тутулду.
- Ашатыргъа иш – ашхы, ишлетирге аш – ашхы.
- Къызын тута билмеген, тул этер, джашын тута билмеген, къул этер.
- Хата – гитчеден.
- Аман адам элни бир-бирине джау этер.
- Къайгъыны сюйген, къайгъы табар.
- Аякъларынгы джууургъанынга кёре узат.
- Таукел тауну аудурур.
- Кёбню кёрген – кёб билир.
- Джашда акъыл джокъ, къартда къарыу джокъ.
- «Ма», - дегенни билмесенг, «бер», - дегенни билмезсе.
- Билим – акъылны чырагъы.
- Эр сокъур болсун, къатын тилсиз болсун.
- Къарнынг бла ёч алма.
- Бозаны арты дауур болур.
- Аллахдан тилесенг, кёб тиле.
- Суу да къайтады чыкъгъан джерине.
- Окъугъан – асыу, окъумагъан – джарсыу.
- Арбаз сайлама да, хоншу сайла.
- Ёлюк кебинсиз къалмаз.
- Накъырданы арты керти болур.
- Урама да – ёледи, сатама да – келеди.
- Чомарт джарлы болмаз.
- Олтуруб кёрюнмей эди да, ёрге туруб кёрюне эди.
- Игилик игилик бла сингдирилиучю затды.
- Гыдай эчки суугъа къараб, мюйюзле кёрмесе, джашма алкъын, дегенди.
- Чабакъгъа акъыл, табагъа тюшсе келеди.
- Хансыз джомакъ болмаз.
- Эл элде бирер малынг болгъандан эсе, бирер тенгинг болсун.
- Иги – алгъыш этер, аман – къаргъыш этер.
- Джахил болса анасы, не билликди баласы?
- Ишни ахырын ойламай, аллын башлама.
- Ана кёлю – балада, бала кёлю – талада.
- Хар зат кесини орнуна иги.
- Тёрдеги кюлсе, эшикдеги ышарыр.
- Къазанда болса, чолпугъа чыгъар.
- Абынмазлыкъ аякъ джокъ, джангылмазлыкъ джаякъ джокъ.
- Чакъырылмагъан къонакъ къачан кетерин сормаз.
- Аманнга игилик этсенг, юйюнге сау бармазса.
- Бал чибинни ургъаны – ачы, балы – татлы.
- «Ёгюз, джаргъа джууукъ барма, меннге джюк боллукъса», - дегенди эшек.
- Термилгенинги табмазса, кюлгенинге тюберсе.
- Ана къойну – балагъа джандет.
- Ётюрюк хапар аякъ тюбю бла джюрюйдю.
Фонд содействия развитию карачаево-балкарской молодежи «Эльбрусоид»
© 2003-2026 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
