Песен: 3 Создан:
06.05.2015 Обновлен:
06.05.2015
| 15 Сентября | 2026 года |
Навигация
- Ишни аллы бла къууанма да, арты бла къууан.
- Айтхан сёзюне табылгъан.
- Сормай – алма, чакъырылмай – барма.
- Телини эшигин, махтау джабар.
- Душманны тышы – акъ, ичи – къара.
- Башсыз урчукъ тюзюне айланмаз.
- Тилчиден кери бол.
- Ашда уялгъан – мухар, ишде уялгъан – хомух.
- Къарыусузгъа кюлме, онгсузгъа тийме.
- «Ёгюз, джаргъа джууукъ барма, меннге джюк боллукъса», - дегенди эшек.
- Ёлген эшек бёрюден къоркъмайды.
- Тёрде – темир таякълы, къаяда – чыпчыкъ аякълы.
- Айранын берсенг, челегин да къызгъанма.
- Аджашханны ызындагъы кёреди, джангылгъанны джанындагъы биледи.
- Къызбайны юйюне дери сюрсенг, батыр болур.
- Накъырданы арты керти болур.
- Насыб бютеу халкъны юлюшюдю.
- Аман къатын сабий табса, бий болур…
- Келгинчи, къонакъ уялыр, келгенден сора, къонакъбай уялыр.
- Иги адамны бир сёзю эки болмаз.
- Къайгъыны сюйген, къайгъы табар.
- Тёзгеннге, джабылгъан эшик ачылыр.
- Адам сёзюнден белгили.
- Ата Джуртча джер болмаз, туугъан элча эл болмаз.
- Рысхы – сют юсюнде кёмюк кибикди.
- Шайтан алдады, тюзлюк къаргъады.
- Тюкюрюк баш джармаз, налат кёз чыгъармаз!
- Билеги кючлю, бирни джыгъар, билими кючлю, мингни джыгъар.
- Келинин тута билмеген, къул этер, къызын тута билмеген, тул этер.
- Зар адамны насыбы болмаз.
- Узун джолну барсанг, бюгюн келирсе, къысха джолну барсанг, тамбла келирсе.
- Джашда акъыл джокъ, къартда къарыу джокъ.
- Байма, деб да, къууанма, джарлыма, деб да, джылама.
- Къарт бла баш аша, джаш бла аякъ аша.
- Къарт болгъан джерде, берекет болур, сабий болгъан джерде, оюн болур.
- Айныгъанлы алты кюн, тогъайгъанлы тогъуз кюн.
- Халкъгъа джарагъан, джарлы къалмаз.
- Элиб деген, элге болушур.
- Къатын байлыкъны сюер, эр саулукъну сюер.
- Тойгъа барсанг, тоюб бар, эски тонунгу къоюб бар.
- «Ма», - дегенни билмесенг, «бер», - дегенни билмезсе.
- Къонакъ аман болса, къонакъбай джунчур
- Джарлыны тону джаз битер.
- Къумурсхала джыйылсала, пилни да джыгъадыла.
- Аш хазыр болса, иш харам болур.
- Ишлемеген – тишлемез.
- Окъдан джара эртде-кеч болса да бителир, сёз джара, ёмюрге къалыр.
- Чакъырылмагъан къонакъ къачан кетерин сормаз.
- Адеб базарда сатылмаз.
- Ана – юйню кюн джарыгъы.
Фонд содействия развитию карачаево-балкарской молодежи «Эльбрусоид»
© 2003-2026 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
