Песен: 24 Создан:
06.05.2015 Обновлен:
06.05.2015
| 8 Сентября | 2026 года |
Навигация
- Ауругъаннга – кийик саулукъ, джетген къызгъа – чилле джаулукъ.
- Аманнга да, игиге да оноусуз къатышма.
- Мал ёлсе, сюек къалыр, адам ёлсе, иши къалыр.
- Ичимден чыкъды хата, къайры барайым сата?
- Дууулдаса – бал чибин, къонса – къара чибин.
- Таукел адам тау тешер.
- Иги сёз – джаннга азыкъ, аман сёз башха – къазыкъ.
- Ёлмесенг да, къарт дамы болмазса?
- Малны кют, джерни тюрт.
- Тёзгеннге, джабылгъан эшик ачылыр.
- Тюз сёз баргъан сууну тыяр.
- Байлыкъ болгъан джерде, тынчлыкъ джокъду.
- Билимден уллу байлыкъ джокъду.
- Эллинг бла джау болсанг да, юйюнг бла джау болма.
- Ёмюрлюк шохлукъну джел элтмез.
- Джиби бир къат джетмей эди да, эки къат тарта эди.
- Акъылсызны джууукъгъа алма, акъыллыны кенгнге салма.
- Кёз – сюйген джерде, къол – ауругъан джерде.
- Джашны джигитлиги сорулур, къызны джигерлиги сорулур.
- Къанны къан бла джуума, аманны аман бла къуума.
- Кёб джат да, бек чаб.
- Кеси юйюмде мен да ханма.
- Ашда уялгъан – мухар, ишде уялгъан – хомух.
- Ачылгъан эт джабылыр, кёрген кёз унутмаз.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Эл бла кёргенинг эрелей.
- Кесинге джетмегенни, кёб сёлешме.
- Мураты болгъанны джюрек тебюую башхады.
- Сёз сёзню айтдырыр.
- Къартха ушагъан джаш – акъыллы, джашха ушагъан къарт – тели.
- Тамырсыз терекге таянма – джыгъылырса.
- Агъач – джерни чырайы, кийим – эрни чырайы.
- Нафысынгы айтханын этме, намысынгы айтханын эт.
- Ач – эснер, ат – кишнер.
- Башланнган иш битер, къымылдагъан тиш тюшер.
- Джол бла сёзню къыйыры джокъ.
- Ата Джуртча джер болмаз, туугъан элча эл болмаз.
- Ургъан суудан башынгы сакъла.
- Таукел къуру къалмаз.
- Нёгерсизни джолу узун.
- Джигер – джаннга къыйынлыкъ.
- Тёрдеги кюлсе, эшикдеги ышарыр.
- Ханы къызы буюгъа-буюгъа киштик болду.
- Кёпюр салгъан кеси ётер, уру къазгъан кеси кетер.
- Терслик кетер, тюзлюк джетер.
- Садакъачыны джаны – къапчыгъында.
- Джыйырма къойну юч джыйырма эбзе кюте эди.
- Билмезни кёзю кёрмез, этмезни къулагъы эшитмез.
- Сабий кёргенин унутмаз.
- Аджаллыгъа окъсуз шкок атылыр.
Фонд содействия развитию карачаево-балкарской молодежи «Эльбрусоид»
© 2003-2026 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
