Аудио :: Аудио:: Сказки

Тойгъанлыкъ къойгъа джарашады.
Тойгъа алгъа да барма, тойда артха да къалма.
Танг атмайма десе да, кюн къоярыкъ тюйюлдю.
Дуния аламаты сен эсенг да, игиме деб айтма.
Ауузу бла къуш тута айланады.
Аманны эки битли тону болур, бирин сеннге кийдирир, бирин кеси киер.
Ашыкъгъанны этеги бутуна чырмалыр.
Ариу сёзде ауруу джокъ.
Сёлеш деб шай берген, тохта деб, сом берген.
Иши джокъну, сыйы джокъ.
Керти сёзге тёре джокъ.
Ачны эсинде – аш.
Джаханимни кёрмей, джандетге кёл салмазса.
Таш ата билмеген, башына урур.
Уллу къашыкъ эрин джыртар.
Къолу уллу – асыу, аягъы уллу – джарсыу.
Къоркъакъны кёзю экили кёрюр.
Намыс сатылыб алынмайды.
Тешик этген тынчды, аны джамагъан къыйынды.
Кесине оноу эте билмеген, халкъына да эте билмез.
Адамны джюреги нени кёрюрге сюйсе, кёзю да аны кёрюрге ёч болады.
Ёзденликни кёбю ётюрюк.
Билгенни къолу къарны джандырыр.
Чалманны аллы къалай башланса, арты да алай барады.
Сыфатында болмагъаны, суратында болмаз.
Аджаллыгъа окъсуз шкок атылыр.
Акъыллы – эл иеси, тели – эл баласы.
Тюзлюк тас болмайды.
Кюн – узун, ёмюр – къысха.
Кёб джат да, бек чаб.
«Ма», - дегенни билмесенг, «бер», - дегенни билмезсе.
Соргъан айыб тюлдю, билмеген айыбды.
Кёл ашады да, кеси ашады.
Айныгъанлы алты кюн, тогъайгъанлы тогъуз кюн.
Кийимни бир кюнню аясанг, минг кюннге джарар.
Къолунгдан къуймакъ ашатсанг да, атаны борчундан къутулмазса.
Керек ташны ауурлугъу джокъ.
Къыйынлы джети элни къайгъысын этер.
Магъанасыз сёз – тауушсуз сыбызгъы.
Накъырда – кертини келечиси.
Джарлы тюеге минсе да, ит къабар.
Гырджын – тепсини тамадасы.
Эм ашхы къайын ана мамукъ бла башынгы тешер.
Аманнга игилик этсенг, юйюнге сау бармазса.
Аджашханны ызындагъы кёреди, джангылгъанны джанындагъы биледи.
Окъумагъан сокъурду, сокъур ташха абыныр!
Уллу суу бла уллу ауруудан башынгы сакъла.
Билим насыб берир, билим джолну керир.
Ишге юренсин къоллары, халкъ бла болсун джоллары.
Адеб джокъда, намыс джокъ.

Логин:	Регистрация

Пароль:	Забыли пароль?

Запомнить меня

Аудио

Сказки

Скачать

Адрес