Песен: 4 Создан:
06.05.2015 Обновлен:
06.05.2015
| 1 Мая | 2026 года |
Навигация
- Уллу атлама – абынырса, уллу къабма – къарылырса.
- Акъдан къара болмаз.
- Соргъан айыб тюлдю, билмеген айыбды.
- Ач – эснер, ат – кишнер.
- Тилсиз миллет джокъ болур.
- Чомарт къонакъ юй иесин сыйлар.
- Аууз сакълагъан – джан сакълар.
- Айран ичген – къутулду, джугъусун джалагъан – тутулду.
- Кёзю сокъурдан – къоркъма, кёлю сокъурдан – къоркъ.
- Алим болгъандан эсе, адам болгъан къыйынды.
- Ач уят къоймаз.
- Абынмазлыкъ аякъ джокъ, джангылмазлыкъ джаякъ джокъ.
- Айныгъанлы алты кюн, тогъайгъанлы тогъуз кюн.
- Берекет берсин деген джерде, берекет болур.
- Таукел адам тау тешер.
- Джеринден айырылгъан – джети джылар, джуртундан айырылгъан – ёлгюнчю джылар.
- Билимли ёлмез, билимсиз кёрмез.
- Чабакъ башындан чирийди.
- Ашыкъгъан cуу, тенгизге джетмез.
- Тойгъан антын унутур.
- Къазанны башы ачыкъ болса, итге уят керекди.
- Азыкълы ат арымаз, къатыны аман джарымаз.
- Келинин тута билмеген, къул этер, къызын тута билмеген, тул этер.
- Кёл – къызбай, къол – батыр.
- Джырчы джырчыгъа – къарнаш.
- Сёлеш деб шай берген, тохта деб, сом берген.
- Тойчу джашха къарама, къойчу джашха къара.
- Адеби болмагъан къыз – тузсуз хант.
- Кеси юйюмде мен да ханма.
- Иги болса, тамадама – махтау, аман болса, меннге – айыб.
- Уллу суу бла уллу ауруудан башынгы сакъла.
- Джюрек кёзден алгъа кёрюр.
- Аурууну келиую тынч, кетиую – къыйын.
- Сагъыш – къартлыкъгъа сюйюмчю.
- Телини эшигин, махтау джабар.
- Ана – юйню кюн джарыгъы.
- Хантына кёре тузу, юйюне кёре къызы.
- Къарнынг ауруса, ауузунгу тый
- Шапа кёб болса, аш татымсыз болур.
- Адамны адамлыгъы къыйынлыкъда айгъакъланады.
- Аманны къуугъан, аманлыкъ табар.
- Къарнынг тойгъунчу аша да, белинг талгъынчы ишле.
- Хунаны тюбюн къазсанг, юсюнге ауар.
- Къайгъыны сюйген, къайгъы табар.
- Юреннген ауруу къалмаз.
- Тюзлюк шохлукъну бегитир.
- Чёбню кёлтюрсенг, тюбюнден сёз чыгъар.
- Тынгылагъан тынгы бузар.
- Ашхы болсанг, атынг чыгъар, аман болсанг, джанынг чыгъар.
- Къобан да къуру да къобханлай турмайды, адам да къуру да патчахлай турмайды.
Фонд содействия развитию карачаево-балкарской молодежи «Эльбрусоид»
© 2003-2026 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
