Аудио :: Аудио:: Байкулов Солтан

Къыйынлы джети элге оноу этер.
Эртде тургъан бла эртде юйленнген сокъуранмаз.
Къызны минг тилер, бир алыр.
Джырчы ёлсе, джыры къалыр.
Харам къарнашдан, халал тенг ашхы.
Эли джокъну – кёлю джокъ.
Ата Джуртча джер болмаз, туугъан элча эл болмаз.
Чомарт къолда мал къалмаз.
Къатын байлыкъны сюер, эр саулукъну сюер.
Къайгъыны сюйген, къайгъы табар.
Эки къатын алгъанны къулагъы тынгнгаймаз.
Джумушакъ сёз къаты таякъны сындырыр.
Кёпюр салгъан кеси ётер, уру къазгъан кеси кетер.
Чалманны аллы къалай башланса, арты да алай барады.
Дуния малгъа сатылма, кесингден телиге къатылма.
Бети бедерден, намыс сакълама.
Суу да къайтады чыкъгъан джерине.
Къыз чыгъаргъан – къызыл къымжа.
Чомарт бергенин айтмаз.
Ариу сёз – къылычдан джити.
Биреуню тёрюнден, кесинги эшик артынг игиди.
Тилчи тилден къаныкъмаз.
Тыш элде солтан болгъандан эсе, кесинги элде олтан болгъан игиди!
Тешигини къатында, чычхан да батыр болур.
Къарнынг ауруса, ауузунгу тый
Ашхы адам – халкъ байлыгъы, ашхы джер – джашау байлыгъы.
Ёпкелегенни ашы татлы болады.
Айтхан сёзюне табылгъан.
Таякъ этден ётер, тил сюекден ётер.
Бир абыннган – минг сюрюнюр.
Джан саулукъ бермей, сан саулукъ бермезсе.
Игини сыйлагъан адетди.
Ишлемеген – тишлемез.
Аллахдан тилесенг, кёб тиле.
Джашлыкъ этмеген, башлыкъ этмез.
Акъыл неден да кючлюдю.
Акъыллы – эл иеси, тели – эл баласы.
Шекер бла туз – бир болмаз, ушамагъан – юй болмаз.
Адамны сыфатына къарама, сёзюне къара.
Терек ауса, отунчу – кёб.
Ишни аллы бла къууанма да, арты бла къууан.
Агъач халкъгъа алтынды, иссиликге салкъынды.
Окъуусуз билим – джокъ, билимсиз кюнюнг – джокъ.
Ёмюрлюк шохлукъну джел элтмез.
Сёлеш деб шай берген, тохта деб, сом берген.
Керти сёзге тёре джокъ.
Ариу сёз – джаннга азыкъ, аман сёз – башха къазыкъ.
«Ёгюз, джаргъа джууукъ барма, меннге джюк боллукъса», - дегенди эшек.
Къуллукъчума, деб махтанма, къуллукъ – хаух джамчыды!
Суугъа – таянма, джаугъа – ийнанма.

Логин:	Регистрация

Пароль:	Забыли пароль?

Запомнить меня

Аудио

Байкулов Солтан

Скачать

Адрес