Аудио :: Аудио:: Байкулов Солтан

Къалгъан ишге къар джауар.
Гыдай эчки суугъа къараб, мюйюзле кёрмесе, джашма алкъын, дегенди.
Чакъырылмагъан къонакъ тёрге атламаз.
Орну джокъну – сыйы джокъ.
Иги болса, тамадама – махтау, аман болса, меннге – айыб.
Этим кетсе да, сюегим къалыр.
Кимни – тили, тиши онглу, кимни – къолу, иши онглу.
Хар зат кесини орнуна иги.
Кёб джат да, бек чаб.
Иги сёз – джаннга азыкъ, аман сёз башха – къазыкъ.
Эр абынмай, эл танымаз.
Билимсиз иш бармаз.
Айтылгъан буйрукъ, сёгюлмез
Дуния малгъа сатылма, кесингден телиге къатылма.
Ойнай билмеген, оюн бузар.
Юйюнг бла джау болгъандан эсе, элинг бла джау бол.
Чакъырылмагъан къонакъ – орунсуз.
Махтаннган къыз, тойда джукълар.
Джетген къыз джерли эшекни танымаз.
Ёксюзню тилеги къабыл болур.
Гитче джилтин уллу элни джандырыр.
Адамны артындан къара сабан сюрме.
Эл тойса, тоймагъан, эл къойса, къоймагъан.
Къыйынлы джети элге оноу этер.
Джаш болсун, къыз болсун, акъылы, саны тюз болсун.
Минг тенг да азды, бир джау да кёбдю.
Булут кёкге джарашыу, уят бетге джарашыу.
Бир абыннган – минг сюрюнюр.
Ач къарынны, токъ билмез
Бир онгсуз адам адет чыгъарды, деб эштирик тюлсе.
Уллу сёлешме да, уллу къаб.
Ишленмеген джаш – джюгенсиз ат, ишленмеген къыз – тузсуз хант.
Акъыл аздырмаз, билим тоздурмаз.
Къайгъы тюбю – тенгиз.
Джашынгы кесинг юретмесенг, джашау юретир.
Акъыллы башны – тили къысха.
Ашлыкъ – бюртюкден, джюн – тюкден.
Ёзденликни кёбю ётюрюк.
Тойгъан джерге джети къайт.
Элге къуллукъ этмеген, элге ие болмаз.
Эртде тургъан джылкъычыны эркек аты тай табар.
Сабийликде юретмесенг, уллу болса – тюзелмез.
Татлы сёз – балдан татлы.
Адеби болмагъан къыз – тузсуз хант.
Къонакъ болсанг, ийнакъ бол.
Кенгеш болса, уруш болмаз.
Уруну арты – къуру.
Джюрек кёзден алгъа кёрюр.
Чарсда алчыны эл кёреди.
Джаным-тиним – окъуу, билим.

Логин:	Регистрация

Пароль:	Забыли пароль?

Запомнить меня

Аудио

Байкулов Солтан

Скачать

Адрес