Песен: 6 Создан:
06.05.2015 Обновлен:
06.05.2015
| 27 Июня | 2026 года |
Навигация
- Аш иеси бла татлыды.
- Тёзген – тёш ашар!
- Аджал соруб келмез, келсе, къайтыб кетмез.
- Таш бла ургъанны, аш бла ур.
- Ишлегенде эринме, ишде чолакъ кёрюнме.
- Юреннген ауруу къалмаз.
- Къарнынг къанлынга кийирир.
- Аш берме да, къаш бер.
- Бети къызарыучу адамны, джюреги харам болмаз.
- Эки итни арасына сюек атма, эки адамны арасында сёз чыгъарма.
- Абынмазлыкъ аякъ джокъ, джангылмазлыкъ джаякъ джокъ.
- Билим ат болуб да чабар, къуш болуб да учар.
- Къолу уллу – асыу, аягъы уллу – джарсыу.
- Тилде сюек болмаса да, сюек сындырыр.
- Ауругъаннга – кийик саулукъ, джетген къызгъа – чилле джаулукъ.
- Агъач – джерни чырайы, кийим – эрни чырайы.
- Туз, гырджын аша, тюзлюк бла джаша.
- Ашына кёре табагъы, балына кёре къалагъы.
- Ашхы – джыяр, аман – джояр.
- Чомартны къолун джокълукъ байлар.
- Чакъырылмагъан джерге барма, чакъырылгъан джерден къалма.
- Акъыллы – эл иеси, тели – эл баласы.
- Къазанчы аман болса, къазаны къайнамаз.
- Адамны артындан къара сабан сюрме.
- Адамгъа аман кюн соруб келмейди.
- Зар адам ашынгы ашар, кесинги сатар.
- Адам сёзге тынгыла, акъыл сёзню ангыла.
- Ариу сёз джыланны орнундан чыгъарыр.
- Сибиртки да сыйлы болду, кюрек да кюнлю болду.
- Къарын къуру болса, джюрек уру болур.
- Ханы къызы буюгъа-буюгъа киштик болду.
- Билими азны – ауузунда кирит.
- Тёзгеннге, джабылгъан эшик ачылыр.
- Джукъу тёшек сайламайды.
- Эл элде бирер малынг болгъандан эсе, бирер тенгинг болсун.
- Джашынгы кесинг юретмесенг, джашау юретир.
- Джаш болсун, къыз болсун, акъылы, саны тюз болсун.
- Накъырда – кертини келечиси.
- Ач, тоймам, дейди, тойгъан, ач болмам, дейди.
- Акъыл бла адеб эгизледиле.
- Билмегенинги, билгеннге сор.
- Ишни аллы бла къууанма да, арты бла къууан.
- Суугъа – таянма, джаугъа – ийнанма.
- Дуния малгъа сатылма, кесингден телиге къатылма.
- Къызбайны юйюне дери сюрсенг, батыр болур.
- Соргъан айыб тюлдю, билмеген айыбды.
- Тёрени джагъы джокъ.
- Эки къатын алгъанны къулагъы тынгнгаймаз.
- Урунуу – насыбны анасы.
- Аллахдан тилесенг, кёб тиле.
Фонд содействия развитию карачаево-балкарской молодежи «Эльбрусоид»
© 2003-2026 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
