Аудио :: Аудио:: Шидакова Аминат

Къонакъ аман болса, къонакъбай джунчур
Сууда джау джокъ, кёб сёзде магъана джокъ.
Эм ашхы къайын ана мамукъ бла башынгы тешер.
Эшекни не къадар тюйсенг да, ат болмаз.
Таякъ этден ётер, тил сюекден ётер.
Сибиртки да сыйлы болду, кюрек да кюнлю болду.
Аш кетер да бет къалыр.
Орну джокъну – сыйы джокъ.
Ёпкелегенни ашы татлы болады.
Босагъагъа джууукъ орун болса, ашыгъыб тёрге озма.
Тик ёргени, тик энгишгеси да болады.
Адамны аманы адамны бети бла ойнар.
Джарлы джети элни сёзюн этер.
Джырчы ёлсе, джыры къалыр.
Джырчы джырчыгъа – къарнаш.
Ариуну – ауруу кёб.
Зарда марда джокъ.
Кёбге таш атма.
Акъыл неден да кючлюдю.
Адеб базарда сатылмаз.
Чыбыкълыкъда бюгюлмеген, къазыкълыкъда бюгюлмей эди.
Кёб ашасанг, татыуу чыкъмаз, кёб сёлешсенг, магъанасы чыкъмаз.
Миллетни бойну – базыкъ, аны бла кюрешген – джазыкъ.
Мен да «сен», дейме, сен да «кесим», дейсе.
Адамны сыфатына къарама, сёзюне къара.
Адам сёзге тынгыла, акъыл сёзню ангыла.
Джырына кёре эжиую.
Тёрде – темир таякълы, къаяда – чыпчыкъ аякълы.
Адамны артындан къара сабан сюрме.
Кийиминг бла танылма, адамлыкъ бла таныл.
Ашаса, ашамаса да, бёрюню ауузу – къан.
Аман къатын алгъан, арыр, иги къатын алгъан джарыр.
Сабийликде юретмесенг, уллу болса – тюзелмез.
Таш бла ургъанны, аш бла ур.
Къыз келсе, джумуш эте келеди, къатын келсе, ушакъ эте келеди.
Адеб джокъда, намыс джокъ.
Аман адамны тепсинге олтуртсанг, къызынгы тилер.
Чомарт бергенин айтмаз.
Биреуню къыйынлыгъы бла кесинге джол ишлеме.
Ауузу аманнга «иги», деме.
Ёлген эшек бёрюден къоркъмайды.
Эртде тургъан джылкъычыны эркек аты тай табар.
Ауругъаннга – кийик саулукъ, джетген къызгъа – чилле джаулукъ.
Тилчи бир сагъатха айлыкъ хата этер.
Гырджын – тепсини тамадасы.
Къонакъны къачан кетерин сорма, къачан келлигин сор.
Ашда – бёрю, ишде – ёлю.
Ашыкъгъанны этеги бутуна чырмалыр.
«Ёгюз, джаргъа джууукъ барма, меннге джюк боллукъса», - дегенди эшек.
Эркиши – от, тиширыу – суу.

Логин:	Регистрация

Пароль:	Забыли пароль?

Запомнить меня

Аудио

Шидакова Аминат

Скачать

Адрес