Аудио :: Аудио:: Батчаев Ахмат

Джарашыу сюйген – джалынчакъ.
Мал ёлсе, сюек къалыр, адам ёлсе, иши къалыр.
Битмегеннге сакъал – танг.
Башынга джетмегенни сорма.
Къалгъан ишге къар джауар.
Ач – эснер, ат – кишнер.
Ойнаб айтсанг да, эслеб айт.
«Ёгюз, джаргъа джууукъ барма, меннге джюк боллукъса», - дегенди эшек.
Ашхы сёз таш тешер.
Къазанчы аман болса, къазаны къайнамаз.
Шайтан алдады, тюзлюк къаргъады.
Зар адамны насыбы болмаз.
Джуртун къоругъан озар.
Ач бёрюге мекям джокъ.
Биреуге аманлыкъ этиб, кесинге игилик табмазса.
Алим болгъандан эсе, адам болгъан къыйынды.
Къарын къуру болса, джюрек уру болур.
Эртде тургъан бла эртде юйленнген сокъуранмаз.
Къумурсхала джыйылсала, пилни да джыгъадыла.
Аджал соруб келмез, келсе, къайтыб кетмез.
Джаралыны джастыгъында сау ёлюр.
Адамны аманы адамны бети бла ойнар.
Аякъларынгы джууургъанынга кёре узат.
Аз сёлешген, къайгъысыз турур.
Зар адам ашынгы ашар, кесинги сатар.
Чомарт бергенин айтмаз.
Къарнынг тойгъунчу аша да, белинг талгъынчы ишле.
Бастасын ашагъан, хантусун да ичер.
Тюзню ётмеги тюзде къалса да, тас болмаз.
Тешик этген тынчды, аны джамагъан къыйынды.
Джюрекге ариу – кёзге да ариу.
Окъ къызбайны джокълайды.
Бичгенде ашыкъма, тикгенде ашыкъ.
Юре билмеген ит, къонакъ келтирир.
Тенгинг джокъ эсе – изле, бар эсе – сакъла!
Тынгылагъан тынгы бузар.
Къолунгдан къуймакъ ашатсанг да, атаны борчундан къутулмазса.
Джаным-тиним – окъуу, билим.
Къозулугъунда тоймагъан, къойлугъунда тоймаз.
Ашхы – джыяр, аман – джояр.
Атлыны кёрсе, джаяуну буту талыр.
Ишлерге уял да, ашаргъа табма.
Тёгюлген тюгел джыйылмайды.
Келинин тута билмеген, къул этер, къызын тута билмеген, тул этер.
Кёбню кёрген – кёб билир.
Къызгъанчдан ычхыныр, мухардан ычхынмаз.
Эм уллу байлыкъ – джан саулукъ.
Этим кетсе да, сюегим къалыр.
Хансыз джомакъ болмаз.
Къазанны башы ачыкъ болса, итге уят керекди.

Логин:	Регистрация

Пароль:	Забыли пароль?

Запомнить меня

Аудио

Батчаев Ахмат

Скачать

Адрес