Аудио :: Аудио:: Батчаев Ахмат

Азыгъы аз, алгъа къабар, аты аман, алгъа чабар.
Оюмсуз атлагъан, аджалсыз ёлюр.
Сабийликде юретмесенг, уллу болса – тюзелмез.
Тёрде – темир таякълы, къаяда – чыпчыкъ аякълы.
Адам къыйынлыгъын кёлтюрюр, зауукълугъун кёлтюрмез.
Джашда акъыл джокъ, къартда къарыу джокъ.
Адамны сыфатына къарама, сёзюне къара.
Хар зат кесини орнуна иги.
Ашха уста, юйюнде болсун
Айраннга суу къош, телиге джол бош.
Къолу уллу – асыу, аягъы уллу – джарсыу.
Бет бетге къараса, бет да джерге къарар.
Ариу – кёзге, акъыл – джюрекге.
Эл ауузу – элек, анга ийнаннган – халек.
Джиби бир къат джетмей эди да, эки къат тарта эди.
Ариу джол аджал келтирмез.
Ашын ашагъанынгы, башын да сыйла.
Къайгъыны сюйген, къайгъы табар.
Бал – татлы, балдан да бала – татлы.
Насыблы элин сюер, насыбсыз кесин сюер.
Айныгъанлы алты кюн, тогъайгъанлы тогъуз кюн.
Босагъа таш юйге кирмей эди, тыбыр таш эшикге чыкъмай эди.
Тёрдеги кюлсе, эшикдеги ышарыр.
Ата Джуртун танымагъан, атасын да танымаз.
Башсыз урчукъ тюзюне айланмаз.
Чомартха Тейри да борчлуду.
Билмегенинги, билгеннге сор.
Ариуну – ауруу кёб.
Бети бедерден, намыс сакълама.
Эринчекни эр алмаз, эр алса да, кёл салмаз, кёл салса да, кёб бармаз!
Кёзю сокъурдан – къоркъма, кёлю сокъурдан – къоркъ.
Ач къарынны, токъ билмез
Атадан ёксюз – бир ёксюз, анадан ёксюз – эки ёксюз.
Джуртун къоругъан озар.
Тилчи тилден къаныкъмаз.
Адамны бетине къарама, адетине къара.
Хансыз джомакъ болмаз.
Кёб къычыргъандан – къоркъма, тынч олтургъандан – къоркъ.
Шайтан алдады, тюзлюк къаргъады.
Байлыкъдан саулукъ ашхыды.
Ариу сёз – джаннга азыкъ, аман сёз – башха къазыкъ.
Чабакъ башындан чирийди.
Башы ишлегенни, ауузу да ишлер.
Аууздан келген, къолдан келсе, ким да патчах болур эди.
Чыкълы кюнде чыкъмагъан, чыкъса къуру кирмеген.
Илму – джашауну джолу.
Терслик кетер, тюзлюк джетер.
Къартны сыйын кёрмеген, къартлыгъында сыйлы болмаз.
Айтханы чапыракъдан ётмеген.
Сакъ юйюне сау барыр.

Логин:	Регистрация

Пароль:	Забыли пароль?

Запомнить меня

Аудио

Батчаев Ахмат

Скачать

Адрес