Песен: 8 Создан:
06.05.2015 Обновлен:
27.11.2017
| 5 Сентября | 2026 года |
Навигация
- Эл элде бирер малынг болгъандан эсе, бирер тенгинг болсун.
- Ёлген аслан – сау чычхан.
- Гырджын – тепсини тамадасы.
- Джашны джигитлиги сорулур, къызны джигерлиги сорулур.
- Сёлеш деб шай берген, тохта деб, сом берген.
- Сабийликде юретмесенг, уллу болса – тюзелмез.
- Татлы сёз – балдан татлы.
- Адамны аманы адамны бети бла ойнар.
- Билгенни къолу къарны джандырыр.
- Тил – кесген бычакъ, сёз – атылгъан окъ.
- Иги – алгъыш этер, аман – къаргъыш этер.
- Билим – акъылны чырагъы.
- Накъырда – кертини келечиси.
- Ишлегенден, къарагъан уста.
- Чакъырылмагъан къонакъ – орунсуз.
- Билмейме деген – бир сёз
- Эл бла кёргенинг эрелей.
- Башсыз урчукъ тюзюне айланмаз.
- Къонакъ кёб келюучю юйню, къазаны отдан тюшмез.
- Алим болгъандан эсе, адам болгъан къыйынды.
- Джыланны къуйругъундан басарынг келсе, аны башы болгъанын унутма.
- Гыдай эчки суугъа къараб, мюйюзле кёрмесе, джашма алкъын, дегенди.
- Окъ къызбайны джокълайды.
- Босагъагъа джууукъ орун болса, ашыгъыб тёрге озма.
- Бир абыннган – минг сюрюнюр.
- Керек ташны ауурлугъу джокъ.
- Сескекли кесин билдирир.
- Болджал ишни бёрю ашар.
- Тюзлюк шохлукъну бегитир.
- Кенгеш болса, уруш болмаз.
- Байлыкъдан саулукъ ашхыды.
- Таула не мийик болсала да, аууш табылыр.
- Аджашхан тёгерек айланыр.
- Кийимни бир кюнню аясанг, минг кюннге джарар.
- Ана – юйню кюн джарыгъы.
- Ёлмесенг да, къарт дамы болмазса?
- Къыйынлы джети элни къайгъысын этер.
- Хар ишни да аллы къыйынды.
- Аууз сакълагъан – джан сакълар.
- Телиге акъыл салгъандан эсе, ёлгеннге джан салырса.
- Чомартха Тейри да борчлуду.
- Ашыкъгъанны этеги бутуна чырмалыр.
- Тили узунну, намысы – къысха.
- Ёпкелегенни ашы татлы болады.
- Атлыны ашхысы, ат тизгининден билинир
- Адеби болмагъан къыз – тузсуз хант.
- Къуру гыбыт бек дыгъырдар.
- Ёгюзню мюйюзлери ауурлукъ этмейдиле.
- Сагъыш – къартлыкъгъа сюйюмчю.
- Адамны сабийин сюйген джюреги, бычакъча, джитиди.
Фонд содействия развитию карачаево-балкарской молодежи «Эльбрусоид»
© 2003-2026 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
