Аудио :: Аудио:: Шаулухова Лилия

Къонакъ аман болса, къонакъбай джунчур
Абынмазлыкъ аякъ джокъ, джангылмазлыкъ джаякъ джокъ.
Джарлы тюеге минсе да, ит къабар.
Кёл ашады да, кеси ашады.
Этни да ашады, бетни да ашады.
Аманнга алтын чыдамаз.
Адеби болмагъан къыз – тузсуз хант.
Къатыны харакетли болса, эри къымсыз болур.
Окъдан джара эртде-кеч болса да бителир, сёз джара, ёмюрге къалыр.
Ариуну – ауруу кёб.
Хар зат кесини орнуна иги.
Суу да къайтады чыкъгъан джерине.
Ашлыкъны арба юйге келтирир, чана базаргъа элтир.
Джюрекге ариу – кёзге да ариу.
Аманны къуугъан, аманлыкъ табар.
Къыз чыгъаргъан – къызыл къымжа.
Сабыр джетер муратха, сабырсыз къалыр уятха.
Ариу джол аджал келтирмез.
Кёкдеги болмаса, джердегин кёрмейди.
Суу кетер, таш къалыр.
Тилсиз миллет джокъ болур.
Биреуге аманлыкъны тилеме да, кесинге ашхылыкъны тиле.
Къарнынг ауруса, ауузунгу тый
Зарда марда джокъ.
Аманны тукъумуна къарама, игини тукъумун сорма.
Бек анасы джыламаз.
Эки къатын алгъанны къулагъы тынгнгаймаз.
Ишни аллы бла къууанма да, арты бла къууан.
Билгенни къолу къарны джандырыр.
Аш кетер да бет къалыр.
Эски джаугъа ышанма.
Къонагъы джокъну – шоху джокъ.
Тилчи тилден къаныкъмаз.
Кёбню кёрген – кёб билир.
Баланы адам этген анады.
Элге къуллукъ этмеген, элге ие болмаз.
Чомарт къолда мал къалмаз.
Нёгерсизни джолу узун.
Адамны джюреги нени кёрюрге сюйсе, кёзю да аны кёрюрге ёч болады.
Адам къаллай бир ишленмесе, аллай бир кесин уллу кёреди.
Адамны аты башхача, акъылы да башхады.
Джарлыны тону джаз битер.
Сютню башын джалагъан къутулур, тюбюн ичген тутулур.
Чомартха Тейри да борчлуду.
Билим къая тешер.
Малны кют, джерни тюрт.
Бир абыннган – минг сюрюнюр.
Насыб бютеу халкъны юлюшюдю.
Кийим тукъум сордурур.
Иги сёз – джаннга азыкъ, аман сёз башха – къазыкъ.

Логин:	Регистрация

Пароль:	Забыли пароль?

Запомнить меня

Аудио

Шаулухова Лилия

Скачать

Адрес