Песен: 6 Создан:
06.05.2015 Обновлен:
06.05.2015
| 9 Сентября | 2026 года |
Навигация
- Атынг аманнга чыкъгъандан эсе, джанынг тамагъынгдан чыкъсын.
- Кёб джат да, бек чаб.
- Кёл ашады да, кеси ашады.
- Къызны минг тилер, бир алыр.
- Ачылгъан эт джабылыр, кёрген кёз унутмаз.
- Чалманны аллы къалай башланса, арты да алай барады.
- Кийимни бир кюнню аясанг, минг кюннге джарар.
- Оюмсуз атлагъан, аджалсыз ёлюр.
- Тенгни тенглиги джашай барсанг билинир.
- Къаллай салам берсенг, аллай джууаб алырса.
- Чакъырылгъанны аты, чакъырылмагъанны багъасы болур.
- Эр абынмай, эл танымаз.
- Чакъырылмагъан къонакъ – орунсуз.
- Джюрекге ариу – кёзге да ариу.
- Халкъны джырын джырласанг, халкъ санга эжиу этер.
- Ётюрюк хапар аякъ тюбю бла джюрюйдю.
- Бети бедерден, намыс сакълама.
- Чомарт бергенин айтмаз.
- Чабакъгъа акъыл, табагъа тюшсе келеди.
- Суугъа – таянма, джаугъа – ийнанма.
- Тынгылагъан тынгы бузар.
- Ёлюр джаннга, ёкюл джокъ.
- Къатын байлыкъны сюер, эр саулукъну сюер.
- Ёлген ийнек сютлю болур.
- Эл ауузу – элек, анга ийнаннган – халек.
- Ишлегенден, къарагъан уста.
- Адамны сыфатына къарама, сёзюне къара.
- Аман киши кеси юйюнде – къонакъ.
- Сормай – алма, чакъырылмай – барма.
- Акъыл аздырмаз, билим тоздурмаз.
- Туз, гырджын аша, тюзлюк бла джаша.
- Чомарт джарлы болмаз.
- Тилчи бир сагъатха айлыкъ хата этер.
- Кёлю джокъну – джолу джокъ.
- Суугъа – чабакъ, къаягъа – ыргъакъ.
- Кёзюнде тереги болгъан, чёбю болгъаннга кюле эди.
- Сютден ауузу кюйген, суугъа юфгюре эди.
- Аууз сакълагъан – джан сакълар.
- Ариуну – ауруу кёб.
- Тамырсыз терекге таянма – джыгъылырса.
- Таш бла ургъанны, аш бла ур.
- Душманны тышы – акъ, ичи – къара.
- Урама да – ёледи, сатама да – келеди.
- Кийимни бичсенг, кенг бич, тар этген къыйын тюлдю.
- Аурууну келиую тынч, кетиую – къыйын.
- Къыз тиширыу кеси юйюнде да къонакъды.
- Рысхы – сют юсюнде кёмюк кибикди.
- Ишин билген, аны сыйын чыгъарады.
- Чомартха хар кюн да байрамды.
- От кюйдюрген, сау болса да, тот кюйдюрген, сау болмаз.
Фонд содействия развитию карачаево-балкарской молодежи «Эльбрусоид»
© 2003-2026 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
