Аудио :: Аудио:: Биев Аслан

Аз айтсам, кёб ангылагъыз.
Азыкъ аз болса, эртде орун сал.
Джуртун къоругъан озар.
Къайтырыкъ эшигинги, къаты уруб чыкъма.
Сёз сёзню айтдырыр.
Юре билмеген ит, къонакъ келтирир.
Ёмюрлюк шохлукъну джел элтмез.
Бети къызарыучу адамны, джюреги харам болмаз.
Кёб джашагъан – кёб билир.
Мадар болса, къадар болур.
Дуния аламаты сен эсенг да, игиме деб айтма.
Ариу сёзде ауруу джокъ.
Тойну къарнашы – харс, джырны къарнашы – эжиу.
Эли джокъну – кёлю джокъ.
Тулпарлыкъ, билекден тюл – джюрекден.
Эки элинги тыйсанг, джети элде махталырса.
Чакъырылмагъан къонакъ тёрге атламаз.
Кёл ашады да, кеси ашады.
Уллу сёлешме да, уллу къаб.
Минг тенг да азды, бир джау да кёбдю.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Бойнуму джети джерден кессенг да, мен ол ишни этеллик тюлме.
Аманны тукъумуна къарама, игини тукъумун сорма.
Сёз къанатсыз учар.
Хазыр ашха – терен къашыкъ.
Ачыкъ джюрекге джол – ачыкъ.
Къонакъны къачан кетерин сорма, къачан келлигин сор.
Гырджын – тепсини тамадасы.
Чалманны аллы къалай башланса, арты да алай барады.
Кенгеш болса, уруш болмаз.
Адам сёзге тынгыла, акъыл сёзню ангыла.
Эрине къаргъыш этген къатын, эрнин къабар.
Суугъа – чабакъ, къаягъа – ыргъакъ.
Сабийликде юретмесенг, уллу болса – тюзелмез.
Ёлмесенг да, къарт дамы болмазса?
Къызын тута билмеген, тул этер, джашын тута билмеген, къул этер.
Харам къарнашдан, халал тенг ашхы.
Кёкдеги болмаса, джердегин кёрмейди.
Ойнай-ойнай кёз чыгъар.
Ачлыкъ отха секиртир.
Суу ичген шауданынга тюкюрме.
Эл бла кёргенинг эрелей.
Ата джурт – алтын бешик.
Айтхан сёзюне табылгъан.
Эшекге миннген – биринчи айыб, андан джыгъылгъан – экинчи айыб.
Къыйынлы джети элни къайгъысын этер.
Иги – алгъыш этер, аман – къаргъыш этер.
Биреуге кёлтюрген таягъынг, кесинги башынга урур.
Акъыл бла адеб эгизледиле.
Элни кючю – эмеген.

Логин:	Регистрация

Пароль:	Забыли пароль?

Запомнить меня

Аудио

Биев Аслан

Скачать

Адрес