Песен: 2 Создан:
06.05.2015 Обновлен:
06.05.2015
| 27 Июня | 2026 года |
Навигация
- Байма, деб да, къууанма, джарлыма, деб да, джылама.
- Ашын ашагъанынгы, башын да сыйла.
- Чарсда алчыны эл кёреди.
- Чабар ат – джетген къыз.
- Ариу сёз – къылычдан джити.
- Билимден уллу байлыкъ джокъду.
- Биреуню тёрюнден, кесинги эшик артынг игиди.
- Сыфатында болмагъаны, суратында болмаз.
- Ишни ахырын ойламай, аллын башлама.
- Бети бедерден, намыс сакълама.
- Тойну къарнашы – харс, джырны къарнашы – эжиу.
- Кёб къычыргъандан – къоркъма, тынч олтургъандан – къоркъ.
- Элни кючю – эмеген.
- Джангыз терек къынгыр ёсер.
- Ёмюрлюк шохлукъну джел элтмез.
- Тойгъан джерден туугъан джер игиди.
- Ауругъаннга – кийик саулукъ, джетген къызгъа – чилле джаулукъ.
- Бал ашаргъа сюе эсенг, чибин ургъаннга тёз.
- Тамбла алтындан бюгюн багъыр ашхы.
- Ач къарным, тынч къулагъым.
- Ашхы атаны – джашы ашхы, ашхы ананы – къызы ашхы.
- Уллу сёзде уят джокъ.
- Чыбыкълыкъда бюгюлмеген, къазыкълыкъда бюгюлмей эди.
- Аджашхан тёгерек айланыр.
- Арбаз сайлама да, хоншу сайла.
- Айтылгъан сёз ызына къайтмаз.
- Ханы къызы буюгъа-буюгъа киштик болду.
- Ата джурт – алтын бешик.
- Хансыз джомакъ болмаз.
- Хар ишни да аллы къыйынды.
- Таукелге нюр джауар.
- Киштикге къанат битсе, чыпчыкъ къалмаз эди.
- Этни бети бла шорпасы.
- Айранын берсенг, челегин да къызгъанма.
- Кюн – узун, ёмюр – къысха.
- Ашыкъгъан cуу, тенгизге джетмез.
- Ач – эснер, ат – кишнер.
- Джаш болсун, къыз болсун, акъылы, саны тюз болсун.
- Эки къатын алгъан – эки ташны ортасына башын салгъан.
- Къар – келтирди, суу – элтди.
- Байлыкъдан саулукъ ашхыды.
- Тойгъа алгъа да барма, тойда артха да къалма.
- Акъыл неден да кючлюдю.
- Душманны тышы – акъ, ичи – къара.
- Къыз келсе, джумуш эте келеди, къатын келсе, ушакъ эте келеди.
- Аман адам этегингден тутса, кес да къач.
- Ашха уста, юйюнде болсун
- Кеси юйюмде мен да ханма.
- Айыбны суу бла джууалмазса.
- Танг атмайма десе да, кюн къоярыкъ тюйюлдю.
Фонд содействия развитию карачаево-балкарской молодежи «Эльбрусоид»
© 2003-2026 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
