Аудио :: Аудио:: Атмурзаев Эльдар

Тёзгеннге, джабылгъан эшик ачылыр.
Джюрекге ариу – кёзге да ариу.
Башсыз урчукъ тюзюне айланмаз.
Шайтан алдады, тюзлюк къаргъады.
Эринчекни аурууу – кёб.
Ашарыкъда сайлагъаннга – чий гырджын.
Бал чибинни ургъаны – ачы, балы – татлы.
Ач къарынны, токъ билмез
Ауурну тюбю бла, дженгилни башы бла джюрюген.
Тешик этген тынчды, аны джамагъан къыйынды.
Окъумагъан сокъурду, сокъур ташха абыныр!
Ач, тоймам, дейди, тойгъан, ач болмам, дейди.
Хар зат кесини орнуна иги.
Джауумдан сора, кюн кюйдюрюр, ётюрюкден сора, айыб кюйдюрюр.
Тойчу джашха къарама, къойчу джашха къара.
Таукелге нюр джауар.
Ётюрюк хапар аякъ тюбю бла джюрюйдю.
Ач къалгъандан, кеч къалгъан къолай.
Иши джокъну, сыйы джокъ.
Бюгюн дуния кибик, тамбла ахыратды.
Акъдан къара болмаз.
Бёрю да ач къалмасын, эчки да ашалмасын.
Джылкъыдан – ат чыгъар, тукъумдан – джаш чыгъар.
Биреу къой излей, биреу той излей.
Аш хазыр болса, иш харам болур.
Къыз чыгъаргъан – къызыл къымжа.
Байлыкъ тауусулур, билим тауусулмаз.
Джырчы ёлсе, джыры къалыр.
Баш – акъыл ючюн, акъылман – халкъ ючюн.
Игилик игилик бла сингдирилиучю затды.
Тамчы таш тешер.
Тюзлюк тас болмайды.
Къайгъыны сюйген, къайгъы табар.
Къарт айтханны этмеген, къартаймаз.
Ата Джуртча джер болмаз, туугъан элча эл болмаз.
Таугъа чыгъаллыкъ эсенг, тюзде къалма.
Телини эшигин, махтау джабар.
От кюйдюрген, сау болса да, тот кюйдюрген, сау болмаз.
Кюн кёрмеген, кюн кёрсе, кюндюз чыракъ джандырыр.
Душманны тышы – акъ, ичи – къара.
Иги джашны ышаны – аз сёлешиб, кёб тынгылар.
Бозаны арты дауур болур.
Ач да бол, токъ да бол – намысынга бек бол.
Къалгъан ишге къар джауар.
Сабийликде юретмесенг, уллу болса – тюзелмез.
Джарлы эскисин джамаса, къууаныр.
Айыбны суу бла джууалмазса.
Ханнга да келеди хариблик.
Къатын байлыкъны сюер, эр саулукъну сюер.
Адамны джюреги нени кёрюрге сюйсе, кёзю да аны кёрюрге ёч болады.

Логин:	Регистрация

Пароль:	Забыли пароль?

Запомнить меня

Аудио

Атмурзаев Эльдар

Скачать

Адрес