Песен: 4 Создан:
06.05.2015 Обновлен:
06.05.2015
| 8 Сентября | 2026 года |
Навигация
- Туз, гырджын аша, тюзлюк бла джаша.
- Тиширыусуз юй – отсуз от джагъа.
- Агъач – джерни чырайы, кийим – эрни чырайы.
- Тёрени джагъы джокъ.
- Адамны бетине къарама, адетине къара.
- Джаралыны джастыгъында сау ёлюр.
- Таш ата билмеген, башына урур.
- Шапа кёб болса, аш татымсыз болур.
- Башсыз урчукъ тюзюне айланмаз.
- Ёлген ийнек сютлю болур.
- Керти сёзге тёре джокъ.
- Ачыкъ джюрекге джол – ачыкъ.
- Чакъырылмай келген къонакъ сыйланмай кетер.
- Адебсиз адам – джюгенсиз ат.
- Аманнга да, игиге да оноусуз къатышма.
- Сакъалы текени да бар, мыйыгъы киштикни да бар.
- Джюрекден джюрекге джол барды.
- Хансыз джомакъ болмаз.
- Къайтырыкъ эшигинги, къаты уруб чыкъма.
- Эр абынмай, эл танымаз.
- Азыкълы ат арымаз, къатыны аман джарымаз.
- Къайгъыны сюйген, къайгъы табар.
- Аманны эки битли тону болур, бирин сеннге кийдирир, бирин кеси киер.
- Ёнгкюч къууана барыр, джылай келир.
- Хазыр ашха – терен къашыкъ.
- Къайгъы тюбю – тенгиз.
- Ата Джуртча джер болмаз, туугъан элча эл болмаз.
- Къонакъны къачан кетерин сорма, къачан келлигин сор.
- Битмегеннге сакъал – танг.
- Ашхы адам – халкъ байлыгъы, ашхы джер – джашау байлыгъы.
- Къалгъан ишге къар джауар.
- Татлы сёз – балдан татлы.
- Этни да ашады, бетни да ашады.
- Оюмсуз атлагъан, аджалсыз ёлюр.
- Къатын байлыкъны сюер, эр саулукъну сюер.
- Аджаллыгъа окъсуз шкок атылыр.
- Къазанчы аман болса, къазаны къайнамаз.
- Ишин билген, аны сыйын чыгъарады.
- Иги сеники эсе да, сюйген кесимикин этеме.
- Адам сёзге тынгыла, акъыл сёзню ангыла.
- Ойнай билмеген, уруб къачар.
- Сёз – кюмюш, джыр – алтын.
- Ариу джол аджал келтирмез.
- Ёлюк кебинсиз къалмаз.
- Баланы адам этген анады.
- Ётюрюк хапар аякъ тюбю бла джюрюйдю.
- Орундукъ тюбюнде атылсам да, орта джиликме, де да айлан.
- Джарлы тюеге минсе да, ит къабар.
- Тенгинг джокъ эсе – изле, бар эсе – сакъла!
- Иесиз малны бёрю ашар.
Фонд содействия развитию карачаево-балкарской молодежи «Эльбрусоид»
© 2003-2026 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
