Песен: 1 Создан:
06.05.2015 Обновлен:
06.05.2015
| 8 Сентября | 2026 года |
Навигация
- Керек ташны ауурлугъу джокъ.
- Гитче джилтин уллу элни джандырыр.
- Къар – келтирди, суу – элтди.
- Ойнай билмеген, оюн бузар.
- Бал чибинни ургъаны – ачы, балы – татлы.
- Мухар, кеси тойса да, кёзю тоймаз.
- Джумушакъ сёз къаты таякъны сындырыр.
- Таугъа чыгъаллыкъ эсенг, тюзде къалма.
- Къыйынлы джети элге оноу этер.
- Джашлыкъ этмеген, башлыкъ этмез.
- Булут кёкге джарашыу, уят бетге джарашыу.
- Бети бедерден, намыс сакълама.
- Джаш къарыу бла кючлю, къарт акъыл бла кючлю.
- Ишни аллы бла къууанма да, арты бла къууан.
- Арбаз сайлама да, хоншу сайла.
- Адамны сабийин сюйген джюреги, бычакъча, джитиди.
- Къобан да къуру да къобханлай турмайды, адам да къуру да патчахлай турмайды.
- Тойгъан антын унутур.
- Ач, тоймам, дейди, тойгъан, ач болмам, дейди.
- Адамны сыфатына къарама, сёзюне къара.
- Адамны джюреги нени кёрюрге сюйсе, кёзю да аны кёрюрге ёч болады.
- Аурууну келиую тынч, кетиую – къыйын.
- Алтыда кюлмеген, алтмышда кюлмез.
- Оюмсуз атлагъан, аджалсыз ёлюр.
- Ачлыкъ отха секиртир.
- Ётюрюк хапар аякъ тюбю бла джюрюйдю.
- Джарашыу сюйген – джалынчакъ.
- Тилде сюек болмаса да, сюек сындырыр.
- Магъанасыз сёз – тауушсуз сыбызгъы.
- Этим кетсе да, сюегим къалыр.
- Ата – билек, ана – джюрек!
- Акъыл неден да кючлюдю.
- Адамны бетине къарама, адетине къара.
- Сёз сёзню айтдырыр.
- Ачлыкъда тары гырджын халыуадан татлы.
- Минг тенг да азды, бир джау да кёбдю.
- Эркиши – от, тиширыу – суу.
- Джигер – джаннга къыйынлыкъ.
- Эринчекни аурууу – кёб.
- Адебни адебсизден юрен.
- Керилген да, ургъан кибикди.
- Бети къызарыучу адамны, джюреги харам болмаз.
- Джыгъылгъанны сырты джерден тоймаз.
- Ашлыкъны арба юйге келтирир, чана базаргъа элтир.
- Къарнынг бла ёч алма.
- Телиге от эт десенг, юйюнге от салыр.
- Олтуруб кёрюнмей эди да, ёрге туруб кёрюне эди.
- Аш берме да, къаш бер.
- Къонагъы джокъну – шоху джокъ.
- Ёгюзню мюйюзюнден тутадыла, адамны сёзюнден тутадыла.
Фонд содействия развитию карачаево-балкарской молодежи «Эльбрусоид»
© 2003-2026 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
