Песен: 9 Создан:
06.05.2015 Обновлен:
06.05.2015
| 19 Июля | 2026 года |
Навигация
- Аманны къуугъан, аманлыкъ табар.
- От этилмеген джерден тютюн чыкъмайды.
- Суугъа – чабакъ, къаягъа – ыргъакъ.
- Атлыны ашхысы, ат тизгининден билинир
- Ариу – кёзге, акъыл – джюрекге.
- Хар адамгъа кеси миннген тау кибик.
- Юй ишлеген балта эшикде къалыр.
- Экеулен сёлеше тура эселе, орталарына барыб кирме.
- Тенгни тенглиги джашай барсанг билинир.
- Ётген ёмюр – акъгъан суу.
- Ётюрюкден тюбю джокъ, кёлтюрюрге джиби джокъ.
- Мураты болгъанны джюрек тебюую башхады.
- Адеб джокъда, намыс джокъ.
- Эринчекни эр алмаз, эр алса да, кёл салмаз, кёл салса да, кёб бармаз!
- Эр абынмай, эл танымаз.
- Ата – баланы уясы.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Тыш элде солтан болгъандан эсе, кесинги элде олтан болгъан игиди!
- Джюрекге ариу – кёзге да ариу.
- Адамгъа аман кюн соруб келмейди.
- Байлыкъ адамны сокъур этер.
- Тёрде – темир таякълы, къаяда – чыпчыкъ аякълы.
- Аман къатын алгъан, арыр, иги къатын алгъан джарыр.
- Иги сеники эсе да, сюйген кесимикин этеме.
- Юре билмеген ит, къонакъ келтирир.
- Тамырсыз терекге таянма – джыгъылырса.
- Джыгъылгъанны сырты джерден тоймаз.
- Келинни – келгинчи, бёркню кийгинчи кёр.
- Бир онгсуз адам адет чыгъарды, деб эштирик тюлсе.
- Ашхылыкъ джерде джатмайды, аманлыкъ суугъа батмайды.
- Окъдан джара эртде-кеч болса да бителир, сёз джара, ёмюрге къалыр.
- Кёрмегеннге кебек – танг, битмегеннге сакъал – танг.
- Гитче джилтин уллу элни джандырыр.
- Ёлген ийнек сютлю болур.
- Аууздан келген, къолдан келсе, ким да патчах болур эди.
- Сабий кёргенин унутмаз.
- Кёбню кёрген – кёб билир.
- Акъыл бла адеб эгизледиле.
- Ашхы атаны – джашы ашхы, ашхы ананы – къызы ашхы.
- Сабыр джетер муратха, сабырсыз къалыр уятха.
- Иги адамны бир сёзю эки болмаз.
- Узун джолну барсанг, бюгюн келирсе, къысха джолну барсанг, тамбла келирсе.
- Къар – келтирди, суу – элтди.
- Бетинги сатма, малынгы сат.
- Къарнынг ауруса, ауузунгу тый
- Ашхы – джыяр, аман – джояр.
- Суу кетер, таш къалыр.
- Таш бла ургъанны, аш бла ур.
- Къумурсхала джыйылсала, пилни да джыгъадыла.
- Кесине гебен этелмеген, биреуге черен эте эди.
Фонд содействия развитию карачаево-балкарской молодежи «Эльбрусоид»
© 2003-2026 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
