Аудио :: Аудио:: Алиев Заур

Кёз – сюйген джерде, къол – ауругъан джерде.
Киштикге къанат битсе, чыпчыкъ къалмаз эди.
Кёрмегеннге кебек – танг, битмегеннге сакъал – танг.
Терек ауса, отунчу – кёб.
Аманны къуугъан, аманлыкъ табар.
Джюз элде джюз ёгюзюм болгъандан эсе, джюз джууугъум болсун.
Рысхысына кёре, джаш ёсер, къышлыгъына кёре, мал ёсер.
Хаухну атма, ёнгкючню сатма.
Мухар, кеси тойса да, кёзю тоймаз.
Хар сёзню орну барды.
Ашда уялгъан – мухар, ишде уялгъан – хомух.
Миллетни бойну – базыкъ, аны бла кюрешген – джазыкъ.
Кёбню кёрген – кёб билир.
Алим болгъандан эсе, адам болгъан къыйынды.
Эр абынмай, эл танымаз.
Нарт сёз – тилни бети.
Джылкъыдан – ат чыгъар, тукъумдан – джаш чыгъар.
Кечеси – аяз, кюню – къыш, джарлы къаргъагъа бир аш тюш!
Хатерли къул болур.
Ишге юренсин къоллары, халкъ бла болсун джоллары.
Билген билмегенни юретген адетди.
Огъурлуну сёзю – суу, огъурсузну сёзю – уу.
Сёз сёзню айтдырыр.
Этим кетсе да, сюегим къалыр.
Аш кетер да бет къалыр.
Ашын ашагъанынгы, башын да сыйла.
Келгинчи, къонакъ уялыр, келгенден сора, къонакъбай уялыр.
Келлик заман – къартлыкъ келтирир, кетген заман – джашлыкъ ёлтюрюр.
Къолу уллу – асыу, аягъы уллу – джарсыу.
Босагъагъа джууукъ орун болса, ашыгъыб тёрге озма.
Джарлы джети элни сёзюн этер.
Телиге акъыл салгъандан эсе, ёлгеннге джан салырса.
Адам къыйынлыгъын кёлтюрюр, зауукълугъун кёлтюрмез.
Тойгъанлыкъ къойгъа джарашады.
Джарлыны тону джаз битер.
От этилмеген джерден тютюн чыкъмайды.
Айырылмаз джууугъунга, унутмаз сёзню айтма.
Сыфатында болмагъаны, суратында болмаз.
Экеу тутушса, биреу джыгъылыр.
Ёлген аслан – сау чычхан.
Къазанчы аман болса, къазаны къайнамаз.
Биреуге аманлыкъ этиб, кесинге игилик табмазса.
Ёпкелегенни ашы татлы болады.
Чабакъгъа акъыл, табагъа тюшсе келеди.
Телини эшигин, махтау джабар.
Баргъанынга кёре болур келгенинг.
Сакъ юйюне сау барыр.
Чоюнну башы ачыкъ болса, итге уят керекди.
Тилчи тилден къаныкъмаз.
Кёб джашагъан – кёб билир.

Логин:	Регистрация

Пароль:	Забыли пароль?

Запомнить меня

Аудио

Алиев Заур

Скачать

Адрес