Аудио :: Аудио:: Джукаев Рашит

Тенгни тенглиги джашай барсанг билинир.
Аджашханны ызындагъы кёреди, джангылгъанны джанындагъы биледи.
Экеулен сёлеше тура эселе, орталарына барыб кирме.
Джашны джигитлиги сорулур, къызны джигерлиги сорулур.
Зар адам ашынгы ашар, кесинги сатар.
Кийим тукъум сордурур.
Къарт болгъан джерде, берекет болур, сабий болгъан джерде, оюн болур.
Аурууну келиую тынч, кетиую – къыйын.
Тешигини къатында, чычхан да батыр болур.
Аман адамны тепсинге олтуртсанг, къызынгы тилер.
Аз сёлешген, къайгъысыз турур.
Мал кёб болса, джууукъ кёб болур.
Джюрекге ариу – кёзге да ариу.
Къатын байлыкъны сюер, эр саулукъну сюер.
Чалманны аллы къалай башланса, арты да алай барады.
Хатерли къул болур.
Хата – гитчеден.
Чомарт джарлы болмаз.
Кюлме джашха – келир башха.
Ач къалгъандан, кеч къалгъан къолай.
Харам къарнашдан, халал тенг ашхы.
Кесине гебен этелмеген, биреуге черен эте эди.
Атлыны кёрсе, джаяуну буту талыр.
Джумушакъ терекни къурт ашар.
Ётюрюкчюню шагъаты – къатында.
Къуру гыбыт бек дыгъырдар.
Бети бедерден, намыс сакълама.
Хар зат кесини орнуна иги.
Хаухну атма, ёнгкючню сатма.
Бир абыннган – минг сюрюнюр.
Аман хансны – урлугъу кёб.
Адам къыйынлыгъын кёлтюрюр, зауукълугъун кёлтюрмез.
Абынмазлыкъ аякъ джокъ, джангылмазлыкъ джаякъ джокъ.
Орундукъ тюбюнде атылсам да, орта джиликме, де да айлан.
Уллу сёзде уят джокъ.
Эри аманны, къатыны – аман.
Суугъа – чабакъ, къаягъа – ыргъакъ.
Ата Джуртун танымагъан, атасын да танымаз.
Къаллай салам берсенг, аллай джууаб алырса.
Ёзденликни джайгъан – джокълукъ.
Чабакъгъа акъыл, табагъа тюшсе келеди.
Джуртун къоругъан озар.
Къарт бла баш аша, джаш бла аякъ аша.
Эринчекни эр алмаз, эр алса да, кёл салмаз, кёл салса да, кёб бармаз!
Ана кёлю – балада, бала кёлю – талада.
Ач отунчуну ачыуу – бурнунда.
Башы джабылгъан челекге, кир тюшмез.
Къонакъ кёб келюучю юйню, къазаны отдан тюшмез.
Окъуусуз билим – джокъ, билимсиз кюнюнг – джокъ.
Ариу – кёзге, акъыл – джюрекге.

Логин:	Регистрация

Пароль:	Забыли пароль?

Запомнить меня

Аудио

Джукаев Рашит

Скачать

Адрес