Песен: 18 Создан:
06.05.2015 Обновлен:
07.06.2015
| 2 Мая | 2026 года |
Навигация
- Сабий болмагъан джерде, мёлек болмаз.
- Гитче джилтин уллу элни джандырыр.
- Акъыл бла адеб эгизледиле.
- Чомартха Тейри да борчлуду.
- Ач келгенни – тойдур, кеч келгенни – къондур.
- Элни кючю – эмеген.
- Къарнынг къанлынга кийирир.
- Иги – алгъыш этер, аман – къаргъыш этер.
- Шапа кёб болса, аш татымсыз болур.
- Ойнай билмеген, оюн бузар.
- Бетинги сатма, малынгы сат.
- Кёзю сокъурдан – къоркъма, кёлю сокъурдан – къоркъ.
- Тамчы таш тешер.
- Биреуге кёлтюрген таягъынг, кесинги башынга урур.
- Тойгъа барсанг, тоюб бар, эски тонунгу къоюб бар.
- Ачылгъан эт джабылыр, кёрген кёз унутмаз.
- Адамны аты башхача, акъылы да башхады.
- Сакъалы текени да бар, мыйыгъы киштикни да бар.
- Чёбню кёлтюрсенг, тюбюнден сёз чыгъар.
- Дуния аламаты сен эсенг да, игиме деб айтма.
- Ауузу бла къуш тута айланады.
- Иги сёз – джаннга азыкъ, аман сёз башха – къазыкъ.
- Кютгени беш эчки, сызгъыргъаны уа, джерни джарады.
- Атлыны кёрсе, джаяуну буту талыр.
- Ариу – кёзге, акъыл – джюрекге.
- Тилчи бир сагъатха айлыкъ хата этер.
- Бозанг болмагъан джерге, къалагъынгы сукъма.
- Баш болса, бёрк табылыр.
- Бал чибинни ургъаны – ачы, балы – татлы.
- Адамны джюреги нени кёрюрге сюйсе, кёзю да аны кёрюрге ёч болады.
- Ата Джуртча джер болмаз, туугъан элча эл болмаз.
- Къартха ушагъан джаш – акъыллы, джашха ушагъан къарт – тели.
- Огъурлуну сёзю – суу, огъурсузну сёзю – уу.
- Ауругъаннга – кийик саулукъ, джетген къызгъа – чилле джаулукъ.
- Телиге от эт десенг, юйюнге от салыр.
- Тойгъандан сора, ашны сёкме.
- Ёнгкюч къууана барыр, джылай келир.
- Эри аманны, къатыны – аман.
- Айтылгъан буйрукъ, сёгюлмез
- Ёксюзню тилеги къабыл болур.
- Чоюнну башы ачыкъ болса, итге уят керекди.
- Акъыл къартда, джашда тюйюлдю – башдады.
- Иши джокъну, сыйы джокъ.
- Эки къатын алгъан – эки ташны ортасына башын салгъан.
- Ёгюзню мюйюзюнден тутадыла, адамны сёзюнден тутадыла.
- Эшекге миннген – биринчи айыб, андан джыгъылгъан – экинчи айыб.
- Чакъырылмай келген къонакъ сыйланмай кетер.
- Иги адам абынса да, джангылмаз.
- Юре билмеген ит, къонакъ келтирир.
- Сабийликде юретмесенг, уллу болса – тюзелмез.
Фонд содействия развитию карачаево-балкарской молодежи «Эльбрусоид»
© 2003-2026 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
