Песен: 1 Создан:
06.05.2015 Обновлен:
06.05.2015
| 9 Сентября | 2026 года |
Навигация
- Ата Джуртуму башы болмасам да, босагъасында ташы болайым.
- Къарнынг къанлынга кийирир.
- Ёлюк кебинсиз къалмаз.
- Иги сеники эсе да, сюйген кесимикин этеме.
- Ауузу аманнга «иги», деме.
- Сагъышы джокъ – джукъучу, акъылы джокъ – къаугъачы.
- Игиге айтсанг – билир, аманнга айтсанг – кюлюр.
- Иги сёз – джаннга азыкъ, аман сёз башха – къазыкъ.
- Эртде тургъан джылкъычыны эркек аты тай табар.
- Тешик этген тынчды, аны джамагъан къыйынды.
- Ким бла джюрюсенг, аны кёзю бла кёрюнюрсе.
- Джырчы джырчыгъа – къарнаш.
- Биреуню къыйынлыгъы бла кесинге джол ишлеме.
- Иги джашны ышаны – аз сёлешиб, кёб тынгылар.
- Алтыннга тот къонмаз.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Соргъан айыб тюлдю, билмеген айыбды.
- Къайгъыны сюйген, къайгъы табар.
- Ауурну тюбю бла, дженгилни башы бла джюрюген.
- Джолда аягъынга сакъ бол, ушакъда тилинге сакъ бол.
- Тас болгъан бычакъны сабы – алтын.
- Ашхы тенг джолгъа салыр, аман тенг джолдан тайдырыр.
- Иги болса, тамадама – махтау, аман болса, меннге – айыб.
- Ёнгкюч къууана барыр, джылай келир.
- Къартны сыйын кёрмеген, къартлыгъында сыйлы болмаз.
- Къатын байлыкъны сюер, эр саулукъну сюер.
- Игилик игилик бла сингдирилиучю затды.
- Илму – джашауну джолу.
- Ашыкъгъан cуу, тенгизге джетмез.
- Аджашханны ызындагъы кёреди, джангылгъанны джанындагъы биледи.
- Юреннген ауруу къалмаз.
- Ачны эсинде – аш.
- Айран тёгюлсе, джугъусу къалыр.
- Джарлы эскисин джамаса, къууаныр.
- Эртде тургъан бла эртде юйленнген сокъуранмаз.
- Къыйынлы джети элни къайгъысын этер.
- Хунаны тюбюн къазсанг, юсюнге ауар.
- Кийимни бичсенг, кенг бич, тар этген къыйын тюлдю.
- Мал тутхан – май джалар.
- Чабакъгъа акъыл, табагъа тюшсе келеди.
- Джаш болсун, къыз болсун, акъылы, саны тюз болсун.
- Битмегеннге сакъал – танг.
- Аджалсыз ёлюм болмаз.
- Сёз – кюмюш, джыр – алтын.
- Атлыны кёрсе, джаяуну буту талыр.
- Булут кёкге джарашыу, уят бетге джарашыу.
- Ёзденликни джайгъан – джокълукъ.
- Ашхы – джыяр, аман – джояр.
- Кечеси – аяз, кюню – къыш, джарлы къаргъагъа бир аш тюш!
- Чомартха Тейри да борчлуду.
Фонд содействия развитию карачаево-балкарской молодежи «Эльбрусоид»
© 2003-2026 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
