Песен: 6 Создан:
06.05.2015 Обновлен:
06.05.2015
| 1 Мая | 2026 года |
Навигация
- Ишленмеген джаш – джюгенсиз ат, ишленмеген къыз – тузсуз хант.
- Ёпкелегенни ашы татлы болады.
- Кенгеш болса, уруш болмаз.
- Уллу къазанда бишген эт, чий къалмаз.
- Мадар болса, къадар болур.
- Татлы тилде – сёз ариу, чемер къолда – иш ариу.
- Ёксюзню тилеги къабыл болур.
- Акъыл неден да кючлюдю.
- Джолунга кёре – джюрюшюнг, джагъанга кёре – юлюшюнг.
- Къатыны харакетли болса, эри къымсыз болур.
- Эки къатын алгъан – эки ташны ортасына башын салгъан.
- Чакъырылгъанны аты, чакъырылмагъанны багъасы болур.
- Уясында не кёрсе, учханында аны этер.
- Аллахха ийнаннган кишини, Аллах онгдурур ишин.
- Душманны тышы – акъ, ичи – къара.
- Къартха ушагъан джаш – акъыллы, джашха ушагъан къарт – тели.
- Ач да бол, токъ да бол – намысынга бек бол.
- Таула не мийик болсала да, аууш табылыр.
- Адамны сыфатына къарама, сёзюне къара.
- Аш берме да, къаш бер.
- Арбаз сайлама да, хоншу сайла.
- Эр сокъур болсун, къатын тилсиз болсун.
- Ач къарынны, токъ билмез
- Къазанда болса, чолпугъа чыгъар.
- Адамны артындан къара сабан сюрме.
- Эркиши – от, тиширыу – суу.
- Къоркъакъны кёзю экили кёрюр.
- Ишлерге уял да, ашаргъа табма.
- Джумушакъ терекни къурт ашар.
- Зар адамны насыбы болмаз.
- Эм ашхы къайын ана мамукъ бла башынгы тешер.
- Къатын байлыкъны сюер, эр саулукъну сюер.
- Рысхы – сют юсюнде кёмюк кибикди.
- «Ёгюз, джаргъа джууукъ барма, меннге джюк боллукъса», - дегенди эшек.
- Тешигини къатында, чычхан да батыр болур.
- Зарда марда джокъ.
- Байлыкъ тауусулур, билим тауусулмаз.
- Ишлегенде эринме, ишде чолакъ кёрюнме.
- Тилчи тилден къаныкъмаз.
- Джауумдан сора, кюн кюйдюрюр, ётюрюкден сора, айыб кюйдюрюр.
- Аджалсыз ёлюм болмаз.
- Ана – юйню кюн джарыгъы.
- Мураты болгъанны джюрек тебюую башхады.
- Ариуну – ауруу кёб.
- Тенгни тенглиги джашай барсанг билинир.
- Билим ат болуб да чабар, къуш болуб да учар.
- Уллу сёзде уят джокъ.
- Ариу сёз джыланны орнундан чыгъарыр.
- Аш иеси бла татлыды.
- Юйлю уругъа ит чабмаз.
Фонд содействия развитию карачаево-балкарской молодежи «Эльбрусоид»
© 2003-2026 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
