Песен: 1 Создан:
06.05.2015 Обновлен:
06.05.2015
| 19 Июля | 2026 года |
Навигация
- Адам сёзге тынгыла, акъыл сёзню ангыла.
- Элни кючю – эмеген.
- Къоркъакъны кёзю экили кёрюр.
- Джауумдан сора, кюн кюйдюрюр, ётюрюкден сора, айыб кюйдюрюр.
- Кечеси – аяз, кюню – къыш, джарлы къаргъагъа бир аш тюш!
- Эки къатын алгъан – эки ташны ортасына башын салгъан.
- Ашына кёре табагъы, балына кёре къалагъы.
- Джангыз торгъай джырламаз.
- «Ёгюз, джаргъа джууукъ барма, меннге джюк боллукъса», - дегенди эшек.
- Чакъырылгъанны аты, чакъырылмагъанны багъасы болур.
- Тау башында, тау болмаз, джангыз терек, бау болмаз.
- Сакъалы текени да бар, мыйыгъы киштикни да бар.
- Джыгъылгъанны сырты джерден тоймаз.
- Билмейме деген – бир сёз
- Джарлы эскисин джамаса, къууаныр.
- Ана къойну – балагъа джандет.
- Ариу сёзде ауруу джокъ.
- Адамны артындан къара сабан сюрме.
- Бети бедерден, намыс сакълама.
- Тил – миллетни джаны.
- Эл бла кёргенинг эрелей.
- Хата – гитчеден.
- Алма терегинден кери кетмез.
- Къонагъы джокъну – шоху джокъ.
- Биреуге кёлтюрген таягъынг, кесинги башынга урур.
- Къууут – джелге, берне – бошха.
- Аууз сакълагъан – джан сакълар.
- Джыланны къуйругъундан басарынг келсе, аны башы болгъанын унутма.
- Тас болгъан бычакъны сабы – алтын.
- Баш – акъыл ючюн, акъылман – халкъ ючюн.
- Хар зат кесини орнуна иги.
- Экеулен сёлеше тура эселе, орталарына барыб кирме.
- Къарны аманнга къазан такъдырма, къолу аманнга от джакъдырма.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Гыдай эчки суугъа къараб, мюйюзле кёрмесе, джашма алкъын, дегенди.
- Тилде сюек болмаса да, сюек сындырыр.
- Кютгени беш эчки, сызгъыргъаны уа, джерни джарады.
- Байлыкъ келсе, акъыл кетер.
- Элде адам къалмаса, ит тахтагъа минер.
- Къатыны харакетли болса, эри къымсыз болур.
- Эллинг бла джау болсанг да, юйюнг бла джау болма.
- Джашда акъыл джокъ, къартда къарыу джокъ.
- Окъдан джара эртде-кеч болса да бителир, сёз джара, ёмюрге къалыр.
- Ачлыкъ отха секиртир.
- Итли къонакъ джарашмаз.
- Агъач халкъгъа алтынды, иссиликге салкъынды.
- Къартха ушагъан джаш – акъыллы, джашха ушагъан къарт – тели.
- Къарнынг къанлынга кийирир.
- Ауругъан – джашаудан умутчу.
- Кёкдеги болмаса, джердегин кёрмейди.
Фонд содействия развитию карачаево-балкарской молодежи «Эльбрусоид»
© 2003-2026 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
