Аудио :: Аудио:: Кузнецов Игорь

Кютгени беш эчки, сызгъыргъаны уа, джерни джарады.
Суу ичген шауданынга тюкюрме.
Эринчекге кюн узун.
Ишни аллы бла къууанма да, арты бла къууан.
Мухар, кеси тойса да, кёзю тоймаз.
Биреу ашаб къутулур, биреу джалаб тутулур.
Ашарыкъда сайлагъаннга – чий гырджын.
Аз сёлеш, кёб ишле.
Насыблы элин сюер, насыбсыз кесин сюер.
Айранын берсенг, челегин да къызгъанма.
Аджалсыз ёлюм болмаз.
Ана кёлю – балада, бала кёлю – талада.
Тешик этген тынчды, аны джамагъан къыйынды.
Эте билген, этген этеди, эте билмеген, юретген этеди!
Тыш элде солтан болгъандан эсе, кесинги элде олтан болгъан игиди!
Иесиз малны бёрю ашар.
Тойчу джашха къарама, къойчу джашха къара.
Тамырсыз терекге таянма – джыгъылырса.
Аман эсирсе, юйюн ояр.
Эрни эр этерик да, къара джер этерик да, тиширыуду.
Кёл ашады да, кеси ашады.
Чоюнну башы ачыкъ болса, итге уят керекди.
Ёлюр джаннга, ёкюл джокъ.
Керек ташны ауурлугъу джокъ.
Кийимни бичсенг, кенг бич, тар этген къыйын тюлдю.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Таугъа чыгъаллыкъ эсенг, тюзде къалма.
Телиге акъыл салгъандан эсе, ёлгеннге джан салырса.
Уруну арты – къуру.
Тюзню ётмеги тюзде къалса да, тас болмаз.
Адебсиз адам – джюгенсиз ат.
Джашлыкъ этмеген, башлыкъ этмез.
Баш болса, бёрк табылыр.
Бюгюн дуния кибик, тамбла ахыратды.
Ишлемеген – тишлемез.
Баш – акъыл ючюн, акъылман – халкъ ючюн.
Башсыз урчукъ тюзюне айланмаз.
Джиби бир къат джетмей эди да, эки къат тарта эди.
Ёлмесенг да, къарт дамы болмазса?
Хатерли къул болур.
Ким бла джюрюсенг, аны кёзю бла кёрюнюрсе.
Аз сёлешген, къайгъысыз турур.
Ётюрюк хапар аякъ тюбю бла джюрюйдю.
Аууз сакълагъан – джан сакълар.
Бир абыннган – минг сюрюнюр.
Юй ишлеген балта эшикде къалыр.
Бастасын ашагъан, хантусун да ичер.
Акъыл неден да кючлюдю.
Юре билмеген ит, къонакъ келтирир.
Аджаллыгъа окъсуз шкок атылыр.

Логин:	Регистрация

Пароль:	Забыли пароль?

Запомнить меня

Аудио

Кузнецов Игорь

Скачать

Адрес