Песен: 10 Создан:
27.11.2017 Обновлен:
29.01.2018
| 6 Сентября | 2026 года |
Навигация
- Джашлыкъ этмеген, башлыкъ этмез.
- Къазанда болса, чолпугъа чыгъар.
- Эрни эр этерик да, къара джер этерик да, тиширыуду.
- Биреу ашаб къутулур, биреу джалаб тутулур.
- Тамырсыз терекге таянма – джыгъылырса.
- Урама да – ёледи, сатама да – келеди.
- Къууут – джелге, берне – бошха.
- Ашхы – джыяр, аман – джояр.
- Юйюнгден чыкъдынг – кюнюнгден чыкъдынг.
- Акъдан къара болмаз.
- Тели турса – той бузар.
- Термилгенинги табмазса, кюлгенинге тюберсе.
- Чабар ат – джетген къыз.
- Миллетни бойну – базыкъ, аны бла кюрешген – джазыкъ.
- Чоюнну башы ачыкъ болса, итге уят керекди.
- Терек ауса, отунчу – кёб.
- Аман адам этегингден тутса, кес да къач.
- Aдам боллукъ, сыфатындан белгили.
- Сабий кёргенин унутмаз.
- «Ёгюз, джаргъа джууукъ барма, меннге джюк боллукъса», - дегенди эшек.
- Ётюрюкню къуйругъу – бир тутум.
- Кийимни бир кюнню аясанг, минг кюннге джарар.
- Тилчиден кери бол.
- Намысы джокъну – дуниясы джокъ.
- Билеги кючлю, бирни джыгъар, билими кючлю, мингни джыгъар.
- Джаханимни кёрмей, джандетге кёл салмазса.
- Кёл – къызбай, къол – батыр.
- Телини эшигин, махтау джабар.
- Экеу тутушса, биреу джыгъылыр.
- Джуртун къоругъан озар.
- Тенгинг джокъ эсе – изле, бар эсе – сакъла!
- Джиби бир къат джетмей эди да, эки къат тарта эди.
- Кёзюнде тереги болгъан, чёбю болгъаннга кюле эди.
- Хунаны тюбюн къазсанг, юсюнге ауар.
- Уллу атлама – абынырса, уллу къабма – къарылырса.
- Арба аугъандан сора, джол кёргюзтюучю кёб болур.
- Аман хансны – урлугъу кёб.
- Ауругъан – джашаудан умутчу.
- Къарт болгъан джерде, берекет болур, сабий болгъан джерде, оюн болур.
- Къыйынлы джети элни къайгъысын этер.
- Чабакъсыз кёлге къармакъ салгъанлыкъгъа, чабакъ тутмазса.
- Джыйырма къойну юч джыйырма эбзе кюте эди.
- Айтхан – тынч, этген – къыйын.
- Чомартны къолун джокълукъ байлар.
- Азыкъ аз болса, эртде орун сал.
- Къумурсхала джыйылсала, пилни да джыгъадыла.
- Къарнынг къанлынга кийирир.
- Мухардан ач ычхынмаз.
- Тамчы таш тешер.
- Къоркъакъны кёзю экили кёрюр.
Фонд содействия развитию карачаево-балкарской молодежи «Эльбрусоид»
© 2003-2026 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
