Песен: 1 Создан:
27.11.2017 Обновлен:
27.11.2017
| 18 Апреля | 2026 года |
Навигация
- Къарны аманнга къазан такъдырма, къолу аманнга от джакъдырма.
- Иши джокъну, сыйы джокъ.
- Къонакъ аз олтурур, кёб сынар.
- Тёзгеннге, джабылгъан эшик ачылыр.
- Мухар, кеси тойса да, кёзю тоймаз.
- Ашыкъгъанны этеги бутуна чырмалыр.
- Адамны артындан къара сабан сюрме.
- Ариу сёз аурууунгу алыр.
- Тау башында, тау болмаз, джангыз терек, бау болмаз.
- Биреу къой излей, биреу той излей.
- Уллу атлама – абынырса, уллу къабма – къарылырса.
- Ишлемеген – тишлемез.
- Азыкълы ат арымаз, къатыны аман джарымаз.
- Тура эдим джата, къайдан чыкъды хата?
- Кёбню кёрген – кёб билир.
- Гырджын – тепсини тамадасы.
- Ауузу аманнга «иги», деме.
- Башынга джетмегенни сорма.
- Адам къаллай бир ишленмесе, аллай бир кесин уллу кёреди.
- Телиге от эт десенг, юйюнге от салыр.
- Тенгни тенглиги джашай барсанг билинир.
- Кенгеш болса, уруш болмаз.
- Эки элинги тыйсанг, джети элде махталырса.
- Ариу джол аджал келтирмез.
- Джашны джигитлиги сорулур, къызны джигерлиги сорулур.
- Сормай – алма, чакъырылмай – барма.
- Джылкъыдан – ат чыгъар, тукъумдан – джаш чыгъар.
- Юйюнгден чыкъдынг – кюнюнгден чыкъдынг.
- Тёгюлген тюгел джыйылмайды.
- Баш – акъыл ючюн, акъылман – халкъ ючюн.
- Таукел адам тау тешер.
- Джахил болса анасы, не билликди баласы?
- Кёл – къызбай, къол – батыр.
- Тёрде – темир таякълы, къаяда – чыпчыкъ аякълы.
- Акъыл неден да кючлюдю.
- Билеги кючлю, бирни джыгъар, билими кючлю, мингни джыгъар.
- Ойнай-ойнай кёз чыгъар.
- Тюзлюк тас болмайды.
- Къууут – джелге, берне – бошха.
- Къоркъакъны кёзю экили кёрюр.
- Билгенни къолу къарны джандырыр.
- Бек ашыкъгъан меннге джетсин, дегенди аракъы.
- Бети бедерден, намыс сакълама.
- Душманны тышы – акъ, ичи – къара.
- Экеулен сёлеше тура эселе, орталарына барыб кирме.
- Эли джокъну – кёлю джокъ.
- Иги джашны ышаны – аз сёлешиб, кёб тынгылар.
- Тешигини къатында, чычхан да батыр болур.
- Хар зат кесини орнуна иги.
- Тюкюрюк баш джармаз, налат кёз чыгъармаз!
Фонд содействия развитию карачаево-балкарской молодежи «Эльбрусоид»
© 2003-2026 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
