Песен: 2 Создан:
27.11.2017 Обновлен:
27.11.2017
| 19 Июля | 2026 года |
Навигация
- Бёрю да ач къалмасын, эчки да ашалмасын.
- Джаш болсун, къыз болсун, акъылы, саны тюз болсун.
- Акъыллы – эл иеси, тели – эл баласы.
- Суугъа – чабакъ, къаягъа – ыргъакъ.
- Аманнга алтын чыдамаз.
- Ауругъан – джашаудан умутчу.
- Эртде тургъан бла эртде юйленнген сокъуранмаз.
- Къыз келсе, джумуш эте келеди, къатын келсе, ушакъ эте келеди.
- Онгсузну – джакъла, тенгликни – сакъла.
- Рысхысына кёре, джаш ёсер, къышлыгъына кёре, мал ёсер.
- Къызбайны юйюне дери сюрсенг, батыр болур.
- Къызын тута билмеген, тул этер, джашын тута билмеген, къул этер.
- Юйюнг бла джау болгъандан эсе, элинг бла джау бол.
- Атынг аманнга чыкъгъандан эсе, джанынг тамагъынгдан чыкъсын.
- Суу кетер, таш къалыр.
- Къайгъы тюбю – тенгиз.
- Къая джолда джортма, ачыкъ сёзден къоркъма.
- Къарнынг бла ёч алма.
- Узун джолну барсанг, бюгюн келирсе, къысха джолну барсанг, тамбла келирсе.
- Биреуге кёлтюрген таягъынг, кесинги башынга урур.
- Элде адам къалмаса, ит тахтагъа минер.
- Босагъа таш юйге кирмей эди, тыбыр таш эшикге чыкъмай эди.
- Ачылгъан эт джабылыр, кёрген кёз унутмаз.
- Сескекли кесин билдирир.
- Къонакъ болсанг, ийнакъ бол.
- Ётюрюкчюню шагъаты – къатында.
- Мухардан ач ычхынмаз.
- Джашда акъыл джокъ, къартда къарыу джокъ.
- Ханы къызы буюгъа-буюгъа киштик болду.
- Бал – татлы, балдан да бала – татлы.
- Оюмсуз атлагъан, аджалсыз ёлюр.
- Юй кюйдю да, кюйюз чыкъды, ортасындан тюйюш чыкъды.
- Абынмазлыкъ аякъ джокъ, джангылмазлыкъ джаякъ джокъ.
- Ашхы атаны – джашы ашхы, ашхы ананы – къызы ашхы.
- Аууздан келген, къолдан келсе, ким да патчах болур эди.
- Кёлсюзден сёзсюз тууар.
- Ана къойну – балагъа джандет.
- Чакъырылмагъан къонакъ къачан кетерин сормаз.
- Ауурну тюбю бла, дженгилни башы бла джюрюген.
- Ишни ахырын ойламай, аллын башлама.
- Ач къалгъандан, кеч къалгъан къолай.
- Этим кетсе да, сюегим къалыр.
- Ата Джуртуму башы болмасам да, босагъасында ташы болайым.
- Аман эсирсе, юйюн ояр.
- Джылар джаш, атасыны сакъалы бла ойнар.
- Арыгъан къош чамчы болур.
- Джахил болса анасы, не билликди баласы?
- Джангыз терек къынгыр ёсер.
- Ашха уста, юйюнде болсун
- Нёгерсизни джолу узун.
Фонд содействия развитию карачаево-балкарской молодежи «Эльбрусоид»
© 2003-2026 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
