Песен: 1 Создан:
28.11.2017 Обновлен:
28.11.2017
| 19 Июля | 2026 года |
Навигация
- Билген билмегенни юретген адетди.
- Чабакъгъа акъыл, табагъа тюшсе келеди.
- Ёзденликни джайгъан – джокълукъ.
- Узун джолну барсанг, бюгюн келирсе, къысха джолну барсанг, тамбла келирсе.
- Ачлыкъ отха секиртир.
- Таякъ этден ётер, тил сюекден ётер.
- Игиге айтсанг – билир, аманнга айтсанг – кюлюр.
- Арбаз сайлама да, хоншу сайла.
- Аякъларынгы джууургъанынга кёре узат.
- Ач къалгъандан, кеч къалгъан къолай.
- Кёпюр салгъан кеси ётер, уру къазгъан кеси кетер.
- Тёрени джагъы джокъ.
- Джырына кёре эжиую.
- Агъач – джерни чырайы, кийим – эрни чырайы.
- Намысы болмагъанны, сыйы болмаз.
- Ана къолу ачытмаз.
- Ургъан суудан башынгы сакъла.
- Адам сёзюнден белгили.
- Таугъа чыгъаллыкъ эсенг, тюзде къалма.
- Чомартха хар кюн да байрамды.
- Кечеси – аяз, кюню – къыш, джарлы къаргъагъа бир аш тюш!
- Босагъагъа джууукъ орун болса, ашыгъыб тёрге озма.
- Ариуну – ауруу кёб.
- Эки итни арасына сюек атма, эки адамны арасында сёз чыгъарма.
- Сёз – кюмюш, джыр – алтын.
- Къуру гыбыт бек дыгъырдар.
- Къыйынлы джети элге оноу этер.
- Ишни аллы бла къууанма да, арты бла къууан.
- Сабийликде юретмесенг, уллу болса – тюзелмез.
- Байма, деб да, къууанма, джарлыма, деб да, джылама.
- Иги – алгъыш этер, аман – къаргъыш этер.
- Къонагъы джокъну – шоху джокъ.
- Юйюнг бла джау болгъандан эсе, элинг бла джау бол.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Сыфатында болмагъаны, суратында болмаз.
- Аман адам элни бир-бирине джау этер.
- Сормай – алма, чакъырылмай – барма.
- Джогъун бар этген, барын бал этген.
- Билимли ёлмез, билимсиз кёрмез.
- Эки элинги тыйсанг, джети элде махталырса.
- Ауругъанны сау билмез, ач къарынны токъ билмез.
- Ёлюр джаннга, ёкюл джокъ.
- Тенгинг джокъ эсе – изле, бар эсе – сакъла!
- Байлыкъ болгъан джерде, тынчлыкъ джокъду.
- Халкъны джырын джырласанг, халкъ санга эжиу этер.
- Таукелге нюр джауар.
- Бир абыннган – минг сюрюнюр.
- Бюгюн дуния кибик, тамбла ахыратды.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Шекер бла туз – бир болмаз, ушамагъан – юй болмаз.
Фонд содействия развитию карачаево-балкарской молодежи «Эльбрусоид»
© 2003-2026 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
