Расширенный поиск
14 Июля 2026 года
Логин: Регистрация
Пароль: Забыли пароль?
Навигация
Словарь
  • Олтуруб кёрюнмей эди да, ёрге туруб кёрюне эди.
  • Сёз садакъдан кючлюдю.
  • Кесине гебен этелмеген, биреуге черен эте эди.
  • Баш болса, бёрк табылыр.
  • Ауругъан – джашаудан умутчу.
  • Нарт сёз къарт болмаз.
  • Джарлыны тону джаз битер.
  • Акъылсызны джууукъгъа алма, акъыллыны кенгнге салма.
  • Адамгъа аман кюн соруб келмейди.
  • Тили узунну, намысы – къысха.
  • Аман адамны тепсинге олтуртсанг, къызынгы тилер.
  • Онгсузну – джакъла, тенгликни – сакъла.
  • Этим кетсе да, сюегим къалыр.
  • Кёл ашады да, кеси ашады.
  • Асхат ашлыкъ сата, юйдегиси ачдан къата.
  • Ишлерге уял да, ашаргъа табма.
  • Ашарыкъда сайлагъаннга – чий гырджын.
  • Тойгъа алгъа да барма, тойда артха да къалма.
  • Бети – къучакълар, джюреги – бычакълар.
  • Керек ташны ауурлугъу джокъ.
  • Къар – келтирди, суу – элтди.
  • Бетинги сатма, малынгы сат.
  • Айтхан – тынч, этген – къыйын.
  • Джукъу тёшек сайламайды.
  • Ёксюзню тилеги къабыл болур.
  • Ауругъанны сау билмез, ач къарынны токъ билмез.
  • Ёлюр джаннга, ёкюл джокъ.
  • Этек чакъмакълары баш джаргъан, сёлешген сёзлери таш джаргъан.
  • Ата – баланы уясы.
  • Телиге акъыл салгъандан эсе, ёлгеннге джан салырса.
  • Къазанда болса, чолпугъа чыгъар.
  • Уллу айтханны этмеген – уллаймаз.
  • Адебсиз адам – джюгенсиз ат.
  • Джаш болсун, къыз болсун, акъылы, саны тюз болсун.
  • Шайтан алдады, тюзлюк къаргъады.
  • Чалманны аллы къалай башланса, арты да алай барады.
  • Тулпарлыкъ, билекден тюл – джюрекден.
  • Кийим тукъум сордурур.
  • Сыфатында болмагъаны, суратында болмаз.
  • Бёрю да ач къалмасын, эчки да ашалмасын.
  • Кёпюр салгъан кеси ётер, уру къазгъан кеси кетер.
  • Айтхан сёзюне табылгъан.
  • Суугъа – чабакъ, къаягъа – ыргъакъ.
  • Рысхы джалгъанды: келген да этер, кетген да этер.
  • Къумурсхала джыйылсала, пилни да джыгъадыла.
  • Акъыллы – эл иеси, тели – эл баласы.
  • Аджашхан тёгерек айланыр.
  • Кёбге таш атма.
  • Тойгъанлыкъ къойгъа джарашады.
  • Аманны тукъумуна къарама, игини тукъумун сорма.

Аудио

Наши Ремейки ;)

Файлов: 12

Обновлен: 28.08.2011

  • Багъалы мени къартларым
(Голосов: 11, Рейтинг: 4.73)

Описание

Дата: 04.03.2009
Прослушиваний: 5725
Скачиваний: 1852
Размер: 4.35 МБ

Комментарии (1)

    Джаратама0
    Сэстренка
    07.01.2017 01:15:22
    Уллайгъанла мени къартларым,
    Башлары да бирден агъаргъанды.
    Туудукъла туугъанлы тюрлениб,
    Анама "къарт ання" аталгъанды.

    Маллары къайгъылыды атам.
    Алагъа аш сала кечинед.
    Кёзлери ышарыб, къол тутсам,
    Ичинде къуанчын билдиред.

    Эжиу:
    Джанымдан бек сюйген къартларым,
    Джууукъда да сизни тансыкълайма.
    Адебли, намыслы къартларым,
    Узакъда да сизни къучакълайма.

    Анамы юй иши тохтаусуз,
    Къой дегенни унамай барады.
    Ишлерге кюрешиб аяусуз,
    Бизлеге кёб къоркъуу да салады.

    Туудукъла чабышыб джетселе,
    Ийнакълаб, табханы бла сыйлайд.
    Сыркыула, хатала этселе,
    Урушдурмай, бизден къоруулайд.

    Эжиу.

    Юйюрге этгенлей насихат,
    Бир Аллах бла, тийре бла джашайсыз.
    Къуанчха къураласыз рахат,
    Бушуугъа ашыгъыш атланасыз.

    Къонакъла джасалыб келселе,
    Алагъа сиз чексиз къуана,
    Джасатасыз тёрде тепсиле,
    Келинле да эте хычынла.

    Эжиу.

    Джууугъум, миллетим дегенлей,
    Уллугъа, гитчеге къайгъырасыз.
    Сау-эсен, ауруусуз, биргелей,
    Насыбха бёлениб, кёб джашагъыз!

    Джанымы мен сизден аямам,
    Этерге кюреширме разы.
    Кёкледе да болмаз бир инсан
    Экигизча меннге багъалы!

    Эжиу.
    Ссылка
    • Зарегистрируйтесь чтобы пользоваться плейлистом.