Аудио :: Аудио:: Наши Ремейки ;)

Насыб бютеу халкъны юлюшюдю.
Хазыр ашха – терен къашыкъ.
Этни бети бла шорпасы.
Джаз бир кюнню джатсанг, къыш талай кюнню абынырса.
Эркиши – от, тиширыу – суу.
Ачны эсинде – аш.
Аман киши кеси юйюнде – къонакъ.
Кюл тюбюндеги от кёрюнмейди.
Мал кёб болса, джууукъ кёб болур.
Эри аманны, къатыны – аман.
Айыбны суу бла джууалмазса.
Харам къарнашдан, халал тенг ашхы.
Сабий болмагъан джерде, мёлек болмаз.
Юй ишлеген балта эшикде къалыр.
Дуния мал дунияда къалады.
Башда акъыл болмаса, эки аякъгъа кюч джетер.
Ата – баланы уясы.
Кёлсюзден сёзсюз тууар.
Аякъларынгы джууургъанынга кёре узат.
Тынгылагъан тынгы бузар.
Башланнган иш битер, къымылдагъан тиш тюшер.
Мал тутхан – май джалар.
Джумушакъ сёз къаты таякъны сындырыр.
Адамны сыфатына къарама, сёзюне къара.
Элде адам къалмаса, ит тахтагъа минер.
Чомарт къолда мал къалмаз.
Накъырданы арты керти болур.
Рысхысына кёре, джаш ёсер, къышлыгъына кёре, мал ёсер.
Тойгъандан сора, ашны сёкме.
Адамны адамлыгъы къыйынлыкъда айгъакъланады.
Борчунг бар эсе, хурджунунга ойлаб узал.
Кёз – сюйген джерде, къол – ауругъан джерде.
Башынга джетмегенни сорма.
Итли къонакъ джарашмаз.
Дуния малгъа сатылма, кесингден телиге къатылма.
Булут кёкге джарашыу, уят бетге джарашыу.
Ойнай-ойнай кёз чыгъар.
Кёзден кетген, кёлден да кетеди.
Аман къатын алгъан, арыр, иги къатын алгъан джарыр.
Тау башында, тау болмаз, джангыз терек, бау болмаз.
Адамны артындан къара сабан сюрме.
Кийиминг бла танылма, адамлыкъ бла таныл.
Кёбню кёрген – кёб билир.
Aдам боллукъ, сыфатындан белгили.
Джашынгы кесинг юретмесенг, джашау юретир.
Кеси юйюмде мен да ханма.
Акъылсызны джууукъгъа алма, акъыллыны кенгнге салма.
Айтхан сёзюне табылгъан.
Юйюнгден чыкъдынг – кюнюнгден чыкъдынг.
Айтылгъан сёз ызына къайтмаз.

Логин:	Регистрация

Пароль:	Забыли пароль?

Запомнить меня

Аудио

Наши Ремейки ;)

Скачать

Адрес