Расширенный поиск
9 Сентября 2026 года
Логин: Регистрация
Пароль: Забыли пароль?
Навигация
Словарь
  • Джукъу тёшек сайламайды.
  • Чалманны аллы къалай башланса, арты да алай барады.
  • Бир абыннган – минг сюрюнюр.
  • Къонагъынгы артмагъын алма да, алгъышын ал.
  • Кийиминг бла танылма, адамлыкъ бла таныл.
  • Сакъалы текени да бар, мыйыгъы киштикни да бар.
  • Ишлерге уял да, ашаргъа табма.
  • Алим болгъандан эсе, адам болгъан къыйынды.
  • Насыблыны баласы кюн кюнден да баш болур, насыбсызны баласы, кюн кюнден да джаш болур.
  • Адамны джюреги нени кёрюрге сюйсе, кёзю да аны кёрюрге ёч болады.
  • Иги адам абынса да, джангылмаз.
  • Аман къатын алгъан, арыр, иги къатын алгъан джарыр.
  • Мал тутхан – май джалар.
  • Бети – къучакълар, джюреги – бычакълар.
  • Тай асырагъан, атха минер.
  • Миллетни бойну – базыкъ, аны бла кюрешген – джазыкъ.
  • Нёгерсизни джолу узун.
  • Сёлеш деб шай берген, тохта деб, сом берген.
  • Мухардан ач ычхынмаз.
  • Эрни эр этерик да, къара джер этерик да, тиширыуду.
  • Сабий кёргенин унутмаз.
  • Джаханимни кёрмей, джандетге кёл салмазса.
  • Терек ауса, отунчу – кёб.
  • Тулпарлыкъ, билекден тюл – джюрекден.
  • Нарт сёз – тилни бети.
  • Эки элинги тыйсанг, джети элде махталырса.
  • Адам къыйынлыгъын кёлтюрюр, зауукълугъун кёлтюрмез.
  • Адам къаллай бир ишленмесе, аллай бир кесин уллу кёреди.
  • Акъыл аздырмаз, билим тоздурмаз.
  • Сютню башын джалагъан къутулур, тюбюн ичген тутулур.
  • Халкъны джырын джырласанг, халкъ санга эжиу этер.
  • Шекер бла туз – бир болмаз, ушамагъан – юй болмаз.
  • Кюлме джашха – келир башха.
  • Зар адам ашынгы ашар, кесинги сатар.
  • Бёрю да ач къалмасын, эчки да ашалмасын.
  • Адам боллукъ, атламындан белгили болур.
  • Рысхысына кёре, джаш ёсер, къышлыгъына кёре, мал ёсер.
  • Юйюнгден чыкъдынг – кюнюнгден чыкъдынг.
  • Ёнгкюч къууана барыр, джылай келир.
  • Эринчекни аурууу – кёб.
  • Биреуню эскиси биреуге джангы болмайды.
  • Тойчу джашха къарама, къойчу джашха къара.
  • Кёзню ачылгъаны – иги, ауузну джабылгъаны – иги.
  • Тёзген – тёш ашар!
  • Ашхы болсанг, атынг чыгъар, аман болсанг, джанынг чыгъар.
  • Адам сёзге тынгыла, акъыл сёзню ангыла.
  • Бойнуму джети джерден кессенг да, мен ол ишни этеллик тюлме.
  • Тилчи тилден къаныкъмаз.
  • Кёрмегеннге кебек – танг, битмегеннге сакъал – танг.
  • Ариу джол аджал келтирмез.

Аудио

Джаммаев Борис

Файлов: 13

Обновлен: 10.07.2017

  • Джаммаев Борис Айджаякъ
(Голосов: 4, Рейтинг: 4)

Описание

Дата: 21.03.2012
Прослушиваний: 2851
Скачиваний: 185
Размер: 6.29 МБ
Текст песни:
Музыка Бориса Джамбаева, стихи Азамата Суюнчева. 

Посвящается Хурриет Эрсой (Айджаякъ Маршанкуловой) - советнику премьер-министра Республики Турция, президенту карачаево-балкарского фонда Турции. 

Айны, Кюнню къызымыса, Айджаякъ, 
Ингил джилтин джылы джарыкъ тийдирген? 
Къайдан чыкъдынг сен, джаз джилек, бал таракъ, 
Къыш чилледе кесин татлы сюйдюрген? 

Сен джашагъан Стамбул бла Анкара 
Санга сыйлы, багъалы да болурла, 
Къарачайда хар бир тау да - минара, 
Мийик чыкъ да, бизни джуртгъа бир къара. 

Сени бабанг-акканг салгъан къалала 
Ёмюрледен санга хапар айтырла,. 
Джаягъынгы сал да, ташын тансыкъла, 
Ала ичген таза суудан сен уртла. 

"Къонакъ" дерге боллукъмулла адамла 
Ата юйюн сюйюб келген къызына? 
Узаймайын кёл салырса джуртунга, 
Сен ашыкъма къайытыргъа ызынга. 

Сени бла тюбешген кюн, Айджаякъ! 
Къар джауса да, ай батылмайд шахарда. 
Аякъ ызыбызны джабмаз джабалакъ, 
Унутулмаз татлы ушакъ арада. 

Къарачайдан кетме, ариу Айджаякъ, 
Къарачайда хар бир тау да - минара! 
Таугъа чыгъыб, сагъыш этиб сен къара, 
Сюймекликге чырмау болмаз чек ара. 

Комментарии (1)

    Джаратама0
    Totur_Ram
    08.01.2013 02:31:55
    АЙДЖАЯКЪ

    Айны, Кюнню къызымыса, Айджаякъ,
    ингил джилтин - джылы джарыкъ тийдирген?
    Къайдан чыкъдынг сен джаз джилЕк, бал таракъ,
    Къыш чилледе кесин татлы сюйдюрген?

    Сен джашагъан Стамбул бла Анкара,
    Санга сыйлы, багъалы да болурла!
    Къарачайда хар бир тау да - минара,
    Мийик чыкъ да бизни джуртха бир къара!

    Сени бабанг-акканг салгъан къалала,
    Ёмюрледен санга хапар айтырла!
    Джаягъынгы сал да, ташын тансыкъла,
    Ала ичген таза суудан сен уртла!

    Къонакъ дерге боллукъмулла адамла,
    Ата юйюн сюйюб келген къызына?
    Узаймайын кёл салырса джуртунга,
    Сен ашыкъма къайытыргъа ызынга!

    Сени бла тюбешген кюн, Айджаякъ,
    къар джауса да, Ай батылмайд шахарда.
    Аякъ ызыбызны джабмаз джабалакъ,
    унутулмаз татлы ушакъ арада.

    Къарачайдан кетме, ариу Айджаякъ!
    Къарачайда хар бир тау да - минара!
    Таугъа чыгъыб, сагъыш этиб сен къара,
    Сюймекликге чырмау болмаз чек ара!
    Ссылка
    • Зарегистрируйтесь чтобы пользоваться плейлистом.