Аудио :: Аудио:: Джаммаев Борис

Къайгъыны сюйген, къайгъы табар.
Юй кюйдю да, кюйюз чыкъды, ортасындан тюйюш чыкъды.
Биреуге аманлыкъ этиб, кесинге игилик табмазса.
Арбаз сайлама да, хоншу сайла.
Ач къарынны, токъ билмез
Айранны сюйген, ийнек тутар.
Адамны аты башхача, акъылы да башхады.
Арпа, будай – ащды, алтын, кюмюш а – ташды.
Ишленмеклик адамлыкъды.
Къозулугъунда тоймагъан, къойлугъунда тоймаз.
Ёлюк кебинсиз къалмаз.
Юйлю уругъа ит чабмаз.
Рысхы – насыбха къор.
Таула не мийик болсала да, аууш табылыр.
Ачлыкъда тары гырджын халыуадан татлы.
Джюрекге ариу – кёзге да ариу.
Хаухну атма, ёнгкючню сатма.
Кийим тукъум сордурур.
Aдам боллукъ, сыфатындан белгили.
Киштикге къанат битсе, чыпчыкъ къалмаз эди.
Сакъламагъан затынга джолукъсанг, не бек къууанаса, не бек ачыйса.
Хунаны тюбюн къазсанг, юсюнге ауар.
Чоюнну башы ачыкъ болса, итге уят керекди.
Миллетни бойну – базыкъ, аны бла кюрешген – джазыкъ.
Онгсузну – джакъла, тенгликни – сакъла.
Иги адамны бир сёзю эки болмаз.
Айтхан – тынч, этген – къыйын.
Кийимни бир кюнню аясанг, минг кюннге джарар.
Азыкъ аз болса, эртде орун сал.
Эте билген, этген этеди, эте билмеген, юретген этеди!
Эки элинги тыйсанг, джети элде махталырса.
Сангырау къулакъ эл бузар.
Тик ёргени, тик энгишгеси да болады.
Арбаз къынгырды да, ийнек сауалмайма.
Ойнай билмеген, уруб къачар.
Эртде тургъан джылкъычыны эркек аты тай табар.
Джаралыны джастыгъында сау ёлюр.
Джумушакъ сёз къаты таякъны сындырыр.
Ёлмесенг да, къарт дамы болмазса?
Биреу къой излей, биреу той излей.
Сууда джау джокъ, кёб сёзде магъана джокъ.
Эки итни арасына сюек атма, эки адамны арасында сёз чыгъарма.
Ишге юренсин къоллары, халкъ бла болсун джоллары.
Тюз сёз баргъан сууну тыяр.
Юйюнг бла джау болгъандан эсе, элинг бла джау бол.
Билеги кючлю, бирни джыгъар, билими кючлю, мингни джыгъар.
Хар адамгъа кеси миннген тау кибик.
Элни кючю – эмеген.
Къартны бурнун сюрт да, оноугъа тут.
Аз айтсам, кёб ангылагъыз.

Логин:	Регистрация

Пароль:	Забыли пароль?

Запомнить меня

Аудио

Джаммаев Борис

Скачать

Адрес