Аудио :: Аудио:: Джаммаев Борис

Ашха уста, юйюнде болсун
Эри аманны, къатыны – аман.
Кёб джат да, бек чаб.
Келгинчи, къонакъ уялыр, келгенден сора, къонакъбай уялыр.
Ишин билген, аны сыйын чыгъарады.
Юй кюйдю да, кюйюз чыкъды, ортасындан тюйюш чыкъды.
Джауумдан сора, кюн кюйдюрюр, ётюрюкден сора, айыб кюйдюрюр.
Кёб ант этген, кёб ётюрюк айтыр.
Эркишини аманы тиширыуну джылатыр.
Иги сёз – джаннга азыкъ, аман сёз башха – къазыкъ.
Сёз къанатсыз учар.
Ёксюзню тилеги къабыл болур.
Булут кёкге джарашыу, уят бетге джарашыу.
Онгсузну – джакъла, тенгликни – сакъла.
Гугук кесини атын айтыб къычыргъанча, мен, мен деб нек тураса?
Джолда аягъынга сакъ бол, ушакъда тилинге сакъ бол.
Адебни адебсизден юрен.
Ауузу аманнга «иги», деме.
Тамбла алтындан бюгюн багъыр ашхы.
Ашаса, ашамаса да, бёрюню ауузу – къан.
Душманны тышы – акъ, ичи – къара.
Аджаллыгъа окъсуз шкок атылыр.
Аз айтсам, кёб ангылагъыз.
Суу ичген шауданынга тюкюрме.
Кёзню ачылгъаны – иги, ауузну джабылгъаны – иги.
Кийиминг бла танылма, адамлыкъ бла таныл.
Ачыкъ джюрекге джол – ачыкъ.
Тюкюрюк баш джармаз, налат кёз чыгъармаз!
Зарда марда джокъ.
Эринчекни эр алмаз, эр алса да, кёл салмаз, кёл салса да, кёб бармаз!
Къумурсхала джыйылсала, пилни да джыгъадыла.
Кесинге джетмегенни, кёб сёлешме.
Джыйырма къойну юч джыйырма эбзе кюте эди.
Аш берме да, къаш бер.
Тойгъанлыкъ къойгъа джарашады.
Халкъгъа джарагъан, джарлы къалмаз.
Джарлы джети элни сёзюн этер.
Элиб деген, элге болушур.
Тенгинг джокъ эсе – изле, бар эсе – сакъла!
Аурууну келиую тынч, кетиую – къыйын.
Халкъны джырын джырласанг, халкъ санга эжиу этер.
Аллахдан тилесенг, кёб тиле.
Кёбге таш атма.
Чабар ат – джетген къыз.
Тойчу джашха къарама, къойчу джашха къара.
Джылкъыдан – ат чыгъар, тукъумдан – джаш чыгъар.
Чомартха хар кюн да байрамды.
Къонакъ аман болса, къонакъбай джунчур
Илму – джашауну джолу.
Иги бла джюрюсенг, джетерсе муратынга, аман бла джюрюсенг, къалырса уятха.

Логин:	Регистрация

Пароль:	Забыли пароль?

Запомнить меня

Аудио

Джаммаев Борис

Скачать

Адрес