Расширенный поиск
1 Мая 2026 года
Логин: Регистрация
Пароль: Забыли пароль?
Навигация
Словарь
  • Адамны аманы адамны бети бла ойнар.
  • Ойнай билмеген, оюн бузар.
  • Хазыр ашха – терен къашыкъ.
  • Джылар джаш, атасыны сакъалы бла ойнар.
  • Ач бёрюге мекям джокъ.
  • Аш берме да, къаш бер.
  • Аджашханны ызындагъы кёреди, джангылгъанны джанындагъы биледи.
  • Къоркъакъны кёзю экили кёрюр.
  • Джарлыны эшигин махтагъан джабар.
  • Ата – баланы уясы.
  • Ач отунчуну ачыуу – бурнунда.
  • Къуру гыбыт бек дыгъырдар.
  • Ётюрюкню къуйругъу – бир тутум.
  • Соргъан айыб тюлдю, билмеген айыбды.
  • Эл ауузу – элия.
  • От этилмеген джерден тютюн чыкъмайды.
  • Сёз сёзню айтдырыр.
  • Билим ат болуб да чабар, къуш болуб да учар.
  • Башынга джетмегенни сорма.
  • Ач – эснер, ат – кишнер.
  • Тилчи тилден къаныкъмаз.
  • Тин – байлыгъынг, терен саулугъунг.
  • Зар адам ашынгы ашар, кесинги сатар.
  • Чыбыкълыкъда бюгюлмеген, къазыкълыкъда бюгюлмей эди.
  • Ётюрюкден тюбю джокъ, кёлтюрюрге джиби джокъ.
  • Терслик кетер, тюзлюк джетер.
  • Юйлю уругъа ит чабмаз.
  • Окъугъанны бети джарыкъ.
  • Къонакъ кёб келюучю юйню, къазаны отдан тюшмез.
  • Ёгюзню мюйюзюнден тутадыла, адамны сёзюнден тутадыла.
  • Накъырда – кертини келечиси.
  • Къарт бла баш аша, джаш бла аякъ аша.
  • Тау башында, тау болмаз, джангыз терек, бау болмаз.
  • Абынмазлыкъ аякъ джокъ, джангылмазлыкъ джаякъ джокъ.
  • Гугук кесини атын айтыб къычыргъанча, мен, мен деб нек тураса?
  • Аз айтсам, кёб ангылагъыз.
  • Билим къая тешер.
  • Джаным-тиним – окъуу, билим.
  • Сёз садакъдан кючлюдю.
  • Билмезни кёзю кёрмез, этмезни къулагъы эшитмез.
  • Айтылгъан сёз ызына къайтмаз.
  • Хар ишни да аллы къыйынды.
  • Чалманны аллы къалай башланса, арты да алай барады.
  • Чомарт бергенин айтмаз.
  • Ашарыкъда сайлагъаннга – чий гырджын.
  • Юйюнгден чыкъдынг – кюнюнгден чыкъдынг.
  • Кёл ашады да, кеси ашады.
  • Тамырсыз терекге таянма – джыгъылырса.
  • Кенгеш болса, уруш болмаз.
  • Джарлы джети элни сёзюн этер.

Аудио

Джаммаев Борис

Файлов: 13

Обновлен: 10.07.2017

  • Джаммаев Борис Тиширула
(Голосов: 1, Рейтинг: 5)

Описание

Дата: 23.03.2012
Прослушиваний: 2189
Скачиваний: 199
Размер: 4.98 МБ
Текст песни:
Музыка Любы Болуровой, стихи Биляла Аппаева. 

Къыш сууукълада джылыу излесек, 
Биз ушатабыз джазгъа. 
Джай иссиледе тенглешдиребиз 
Сизни салкъын аязгъа. 

Гокка ханслача, ариулукъ салыб, 
Сейирлик джерибизде. 
Иги умутла, иги муратла 
Туудура кёлюбюзде. 

Припев: 
Джолубузгъа тийириб джарыкъ кюн 
Бизге къанат бересиз, тиширыула. 
Бизден бек сюе билгенигиз ючюн, 
Сизни артыкъ сюебиз, тиширыула. 

Кёгюрчюн кибик, сакъалайсыз отдан 
Сиз джерни юсюн хаман. 
Кёгюбюз чууакъ, рахат джашайбыз 
Джарыкъды бизни заман. 

Джолубуз кенгди, кюн билек болуб, 
Таймай алгъа барабыз. 
Къууанч кюнде да, джарсыу кюнде да 
Биз халал тенг болабыз. 

Припев. 

Хар насыбны да тамамы болгъан 
Сиз огъурлу анасыз. 
Сабийлеригиз джарыкъ ышара, 
Юйге къууанч саласыз. 

Нюр сыфатыгъыз булут кюнде да 
Бизге джарыкъ этеди. 
Сюймеклигигиз кюч бериб хаман 
Таукел алгъа элтеди. 

Припев. 

Комментариев нет

  • Зарегистрируйтесь чтобы пользоваться плейлистом.