Расширенный поиск
8 Сентября 2026 года
Логин: Регистрация
Пароль: Забыли пароль?
Навигация
Словарь
  • Олтуруб кёрюнмей эди да, ёрге туруб кёрюне эди.
  • Уллу къазанда бишген эт, чий къалмаз.
  • Джырчы ёлсе, джыры къалыр.
  • Акъыл бла адеб эгизледиле.
  • Ашха уста, юйюнде болсун
  • Нарт сёз – тилни бети.
  • Ёзденликни кёбю ётюрюк.
  • Джангыз терек къынгыр ёсер.
  • Термилгенинги табмазса, кюлгенинге тюберсе.
  • Таш ата билмеген, башына урур.
  • Ишленмеген джаш – джюгенсиз ат, ишленмеген къыз – тузсуз хант.
  • Адамны аты башхача, акъылы да башхады.
  • Атынг аманнга чыкъгъандан эсе, джанынг тамагъынгдан чыкъсын.
  • Рысхы – сют юсюнде кёмюк кибикди.
  • Тюзню ётмеги тюзде къалса да, тас болмаз.
  • Ашда уялгъан – мухар, ишде уялгъан – хомух.
  • Эки итни арасына сюек атма, эки адамны арасында сёз чыгъарма.
  • Ашхылыкъ джерде джатмайды, аманлыкъ суугъа батмайды.
  • Аджашхан тёгерек айланыр.
  • Эри аманны, къатыны – аман.
  • Насыблы элин сюер, насыбсыз кесин сюер.
  • Джылар джаш, атасыны сакъалы бла ойнар.
  • Джолунга кёре – джюрюшюнг, джагъанга кёре – юлюшюнг.
  • Гыдай эчки суугъа къараб, мюйюзле кёрмесе, джашма алкъын, дегенди.
  • Ёлюр джаннга, ёкюл джокъ.
  • Ана къойну – балагъа джандет.
  • Джуртун къоругъан озар.
  • Джырчы джырчыгъа – къарнаш.
  • Бал ашаргъа сюе эсенг, чибин ургъаннга тёз.
  • Башсыз урчукъ тюзюне айланмаз.
  • Билимден уллу байлыкъ джокъду.
  • Ишге юренсин къоллары, халкъ бла болсун джоллары.
  • Юйюнгден чыкъдынг – кюнюнгден чыкъдынг.
  • Чабакъ башындан чирийди.
  • Танг атмайма десе да, кюн къоярыкъ тюйюлдю.
  • Халкъны джырын джырласанг, халкъ санга эжиу этер.
  • Келлик заман – къартлыкъ келтирир, кетген заман – джашлыкъ ёлтюрюр.
  • Байлыкъ келсе, акъыл кетер.
  • Аманнга алтын чыдамаз.
  • Къонакъ аман болса, къонакъбай джунчур
  • Къазанда болса, чолпугъа чыгъар.
  • Ариу сёз – джаннга азыкъ, аман сёз – башха къазыкъ.
  • Окъуу – билимни ачхычы, окъуу – дунияны бачхычы.
  • Булут кёкге джарашыу, уят бетге джарашыу.
  • Джылыгъа джылан илешир.
  • Иесиз малны бёрю ашар.
  • Джаханимни кёрмей, джандетге кёл салмазса.
  • Арпа, будай – ащды, алтын, кюмюш а – ташды.
  • Адеб этмеген, адеб кёрмез.
  • Билгенни къолу къарны джандырыр.

Аудио

Газаев Алим

Файлов: 54

Обновлен: 10.07.2017

  • Газаев Алим Анам
(Голосов: 13, Рейтинг: 4.38)

Описание

Дата: 17.11.2012
Прослушиваний: 10841
Скачиваний: 3153
Размер: 10.58 МБ
Текст песни:
муз. и сл. Муссы Салпагарова

Джюрегими джюрегисе, анам, сен!
Кёзлерими чырагъыса, анам, сен!
Джашауму дагъаныса, анам, сен!
Кюн джарыкъны джарыгъыса, анам, сен!

Мыдах кюнде кюн кибиксе, анам, сен!
Джашау джолунг джарыкъ болсун сени, кенг!
Къарангыны джарыкъ этген, анам, сен!
Бу дунияда джокъду, анам, санга тенг!

Сенсе, анам, адеб-намыс юретген!
Сенсе, анам, "иги бол" деб, кюрешген!
Сенсе, анам, балаланы бек сюйген!
Сенсе, анам, манга алгъыш тилеген!

Къор болайым, "ана" деген атынга!
Дарман болуб, джагъылайым санынга!
Кечмеклик бер, тийген эсем джанынга!
"Ана" деген сыйлы атды таулугъа!

Сенсиз, анам, мени кюнюм ётмесин!
Аналагъа бир къыйынлыкъ джетмесин!
Ол джашауун мамырлыкъда ашырсын!
Зор джыламукъ ана кёзден акъмасын!

Джюрегими джюрегисе, анам, сен!
Кёзлерими чырагъыса, анам, сен!
Джашауму дагъаныса, анам, сен!
Бу дунияда джокъду, анам, санга тенг!
Джокъду, анам, санга тенг! 

Комментариев нет

  • Зарегистрируйтесь чтобы пользоваться плейлистом.