Песен: 54 Создан:
06.05.2015 Обновлен:
29.01.2018
| 10 Июня | 2026 года |
Навигация
- Эллинг бла джау болсанг да, юйюнг бла джау болма.
- Сангырау къулакъ эл бузар.
- Къарт бла баш аша, джаш бла аякъ аша.
- Эки къатын алгъан – эки ташны ортасына башын салгъан.
- Абынмазлыкъ аякъ джокъ, джангылмазлыкъ джаякъ джокъ.
- Ашхы тенг джолгъа салыр, аман тенг джолдан тайдырыр.
- Битмегеннге сакъал – танг.
- Ашын ашагъанынгы, башын да сыйла.
- Эрни эр этерик да, къара джер этерик да, тиширыуду.
- Окъумагъан сокъурду, сокъур ташха абыныр!
- Таш бла ургъанны, аш бла ур.
- Джюз элде джюз ёгюзюм болгъандан эсе, джюз джууугъум болсун.
- Бир онгсуз адам адет чыгъарды, деб эштирик тюлсе.
- Гитче джилтин уллу элни джандырыр.
- Алма терегинден кери кетмез.
- Чакъырылгъанны аты, чакъырылмагъанны багъасы болур.
- Нёгер болсанг, тенг бол, тенг болмасанг, кенг бол.
- Ишлемеген – тишлемез.
- Намысы болмагъанны, сыйы болмаз.
- Адеб базарда сатылмаз.
- Рысхы – насыбха къор.
- Акъыл бла адеб эгизледиле.
- Аллахдан тилесенг, кёб тиле.
- Намысы джокъну – дуниясы джокъ.
- Чакъырылмагъан къонакъ къачан кетерин сормаз.
- Адамны артындан къара сабан сюрме.
- Ата – билек, ана – джюрек!
- Тёрдеги кюлсе, эшикдеги ышарыр.
- Экеулен сёлеше тура эселе, орталарына барыб кирме.
- Сёз садакъдан кючлюдю.
- Къартны сыйын кёрмеген, къартлыгъында сыйлы болмаз.
- Ишлегенден, къарагъан уста.
- Къызгъанчдан ычхыныр, мухардан ычхынмаз.
- Иги джашны ышаны – аз сёлешиб, кёб тынгылар.
- Джюрек кёзден алгъа кёрюр.
- Байма, деб да, къууанма, джарлыма, деб да, джылама.
- Джаш болсун, къыз болсун, акъылы, саны тюз болсун.
- Ариу сёз – къылычдан джити.
- Ишлерге уял да, ашаргъа табма.
- Аллахха ийнаннган кишини, Аллах онгдурур ишин.
- Ач да бол, токъ да бол – намысынга бек бол.
- Ач – эснер, ат – кишнер.
- Аууздан келген, къолдан келсе, ким да патчах болур эди.
- Кесинге джетмегенни, кёб сёлешме.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Хазыр ашха – терен къашыкъ.
- Мен да «сен», дейме, сен да «кесим», дейсе.
- От кюйдюрген, сау болса да, тот кюйдюрген, сау болмаз.
- Адам сёзюнден белгили.
- Айыбны суу бла джууалмазса.
Фонд содействия развитию карачаево-балкарской молодежи «Эльбрусоид»
© 2003-2026 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
