Песен: 54 Создан:
06.05.2015 Обновлен:
29.01.2018
| 24 Мая | 2026 года |
Навигация
- Айтхан сёзюне табылгъан.
- Телиге акъыл салгъандан эсе, ёлгеннге джан салырса.
- Хаухну атма, ёнгкючню сатма.
- Ачлыкъ отха секиртир.
- Ата Джуртун танымагъан, атасын да танымаз.
- Джарлы эскисин джамаса, къууаныр.
- Ач къалгъандан, кеч къалгъан къолай.
- Ачлыкъда тары гырджын халыуадан татлы.
- Сабий болмагъан джерде, мёлек болмаз.
- Чоюнну башы ачыкъ болса, итге уят керекди.
- Аууздан келген, къолдан келсе, ким да патчах болур эди.
- Арбаз сайлама да, хоншу сайла.
- Окъуу – билимни ачхычы, окъуу – дунияны бачхычы.
- Халкъны джырын джырласанг, халкъ санга эжиу этер.
- Къолунгдан къуймакъ ашатсанг да, атаны борчундан къутулмазса.
- Эте билген, этген этеди, эте билмеген, юретген этеди!
- Ариуну – ауруу кёб.
- Кюн кёрмеген, кюн кёрсе, кюндюз чыракъ джандырыр.
- Адамны сыфатына къарама, сёзюне къара.
- Джолда аягъынга сакъ бол, ушакъда тилинге сакъ бол.
- Эл элде бирер малынг болгъандан эсе, бирер тенгинг болсун.
- Ёлюк кебинсиз къалмаз.
- Насыб бютеу халкъны юлюшюдю.
- Тенги кёбню джау алмаз, акъылы кёбню дау алмаз.
- Ауругъан – джашаудан умутчу.
- От этилмеген джерден тютюн чыкъмайды.
- Онгсузну – джакъла, тенгликни – сакъла.
- Ачны эсинде – аш.
- Къызын тута билмеген, тул этер, джашын тута билмеген, къул этер.
- Элге къуллукъ этмеген, элге ие болмаз.
- Эл тойса, тоймагъан, эл къойса, къоймагъан.
- Керти сёзге тёре джокъ.
- Ётюрюкчюню шагъаты – къатында.
- Сескекли кесин билдирир.
- Биреуню къыйынлыгъы бла кесинге джол ишлеме.
- Урунуу – насыбны анасы.
- Аууз сакълагъан – джан сакълар.
- Сибиртки да сыйлы болду, кюрек да кюнлю болду.
- «Ёгюз, джаргъа джууукъ барма, меннге джюк боллукъса», - дегенди эшек.
- Сютню башын джалагъан къутулур, тюбюн ичген тутулур.
- Чакъырылмагъан къонакъ – орунсуз.
- Битмегеннге сакъал – танг.
- Чабакъсыз кёлге къармакъ салгъанлыкъгъа, чабакъ тутмазса.
- Эл бла кёргенинг эрелей.
- Тамырсыз терекге таянма – джыгъылырса.
- Ач, тоймам, дейди, тойгъан, ач болмам, дейди.
- Нёгерсизни джолу узун.
- Ишлегенде эринме, ишде чолакъ кёрюнме.
- Баланы адам этген анады.
- Къарын къуру болса, джюрек уру болур.
Фонд содействия развитию карачаево-балкарской молодежи «Эльбрусоид»
© 2003-2026 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
