Аудио :: Аудио:: Газаев Алим

Ёксюзню къалачы уллу кёрюнюр.
Джангыз терек къынгыр ёсер.
Ойнай-ойнай кёз чыгъар.
Сакъ юйюне сау барыр.
Келинни – келгинчи, бёркню кийгинчи кёр.
Итли къонакъ джарашмаз.
Сютню башын джалагъан къутулур, тюбюн ичген тутулур.
Хантына кёре тузу, юйюне кёре къызы.
Юйлю уругъа ит чабмаз.
Тилчи тилден къаныкъмаз.
Чакъырылмагъан къонакъ – орунсуз.
Эринчекни эр алмаз, эр алса да, кёл салмаз, кёл салса да, кёб бармаз!
Иесиз малны бёрю ашар.
Ёзденликни кёбю ётюрюк.
Кёзню ачылгъаны – иги, ауузну джабылгъаны – иги.
Кёзюнде тереги болгъан, чёбю болгъаннга кюле эди.
Эки элинги тыйсанг, джети элде махталырса.
Эл бла кёргенинг эрелей.
Аууз сакълагъан – джан сакълар.
Адебсиз адам – джюгенсиз ат.
Ёзденликни джайгъан – джокълукъ.
Кийимни бичсенг, кенг бич, тар этген къыйын тюлдю.
Окъуу – билимни ачхычы, окъуу – дунияны бачхычы.
От этилмеген джерден тютюн чыкъмайды.
Игилик игилик бла сингдирилиучю затды.
Джашда акъыл джокъ, къартда къарыу джокъ.
Ётюрюкню къуйругъу – бир тутум.
Эм уллу байлыкъ – джан саулукъ.
Тау башында, тау болмаз, джангыз терек, бау болмаз.
Тил бла келеди джыр да.
Кёбден умут этиб, аздан къуру къалма.
Ач отунчуну ачыуу – бурнунда.
Ишлемеген – тишлемез.
Окъугъан озар, окъумагъан тозар.
Эртде тургъан бла эртде юйленнген сокъуранмаз.
Ёлюк кебинсиз къалмаз.
Айтылгъан буйрукъ, сёгюлмез
Чабакъгъа акъыл, табагъа тюшсе келеди.
Рысхы – сют юсюнде кёмюк кибикди.
Бал – татлы, балдан да бала – татлы.
Тулпарлыкъ, билекден тюл – джюрекден.
Ётюрюк хапар аякъ тюбю бла джюрюйдю.
Элни кючю – эмеген.
Кюн кёрмеген, кюн кёрсе, кюндюз чыракъ джандырыр.
Битмегеннге сакъал – танг.
Иги болса, тамадама – махтау, аман болса, меннге – айыб.
Этим кетсе да, сюегим къалыр.
Нарт сёз – тилни бети.
Ачыу алгъа келсе, акъыл артха къалады.
Акъыллы айтыр эди, акъылсыз къоймайды.

Логин:	Регистрация

Пароль:	Забыли пароль?

Запомнить меня

Аудио

Газаев Алим

Скачать

Адрес