Расширенный поиск
14 Апреля 2026 года
Логин: Регистрация
Пароль: Забыли пароль?
Навигация
Словарь
  • Къазанчы аман болса, къазаны къайнамаз.
  • Тёгюлген тюгел джыйылмайды.
  • Къолунгдан къуймакъ ашатсанг да, атаны борчундан къутулмазса.
  • Биреуге кёлтюрген таягъынг, кесинги башынга урур.
  • Джигер – джаннга къыйынлыкъ.
  • Къыйынлы джети элни къайгъысын этер.
  • Тюз сёз баргъан сууну тыяр.
  • Атынг аманнга чыкъгъандан эсе, джанынг тамагъынгдан чыкъсын.
  • Кесине гебен этелмеген, биреуге черен эте эди.
  • Таукел тауну аудурур.
  • Тенгинг джокъ эсе – изле, бар эсе – сакъла!
  • Ёлюр джаннга, ёкюл джокъ.
  • Кёз – сюйген джерде, къол – ауругъан джерде.
  • Къатыны харакетли болса, эри къымсыз болур.
  • Ёлген аслан – сау чычхан.
  • Сакъламагъан затынга джолукъсанг, не бек къууанаса, не бек ачыйса.
  • Аманнга игилик этсенг, юйюнге сау бармазса.
  • Сескекли кесин билдирир.
  • Ана кёлю – балада, бала кёлю – талада.
  • Адам туугъан джеринде, ит тойгъан джеринде.
  • Аджалсыз ёлюм болмаз.
  • Ётюрюкню башын керти кесер.
  • Адам боллукъ, атламындан белгили болур.
  • Акъдан къара болмаз.
  • Мени джылытмагъан кюн, меннге тиймесин!
  • Атадан ёксюз – бир ёксюз, анадан ёксюз – эки ёксюз.
  • Джиби бир къат джетмей эди да, эки къат тарта эди.
  • Байлыкъдан саулукъ ашхыды.
  • Къарны аманнга къазан такъдырма, къолу аманнга от джакъдырма.
  • Таш ата билмеген, башына урур.
  • Адебни адебсизден юрен.
  • Мал тутхан – май джалар.
  • Эшекге миннген – биринчи айыб, андан джыгъылгъан – экинчи айыб.
  • Орундукъ тюбюнде атылсам да, орта джиликме, де да айлан.
  • Тыш элде солтан болгъандан эсе, кесинги элде олтан болгъан игиди!
  • Туз, гырджын аша, тюзлюк бла джаша.
  • Игини сыйлагъан адетди.
  • Юйюнг бла джау болгъандан эсе, элинг бла джау бол.
  • Тойгъан джерден туугъан джер игиди.
  • Тойчу джашха къарама, къойчу джашха къара.
  • Джангыз терек къынгыр ёсер.
  • Бети бедерден, намыс сакълама.
  • Джахил болса анасы, не билликди баласы?
  • Къозулугъунда тоймагъан, къойлугъунда тоймаз.
  • Джукъу тёшек сайламайды.
  • Атлыны кёрсе, джаяуну буту талыр.
  • Къарнынг тойгъунчу аша да, белинг талгъынчы ишле.
  • Мен да «сен», дейме, сен да «кесим», дейсе.
  • Гугурук къычырмаса да, тангны атары къалмаз.
  • Шекер бла туз – бир болмаз, ушамагъан – юй болмаз.

Аудио

Теппеев Алим

Файлов: 14

Обновлен: 06.07.2017

  • Теппеев Алим Акъ таула
(Голосов: 2, Рейтинг: 5)

Описание

Дата: 26.11.2012
Прослушиваний: 2952
Скачиваний: 527
Размер: 6.45 МБ
Текст песни:
муз. и сл. Абидина Байчеккуева

Акъ тауланы башын сылай, баралла
Мийик кёкде дженгил кёксюл булутла.
Кёллендиргенлейин туралла мени уа
Кюнден-кюннге джангыдан джангы умутла.

Толгъан ай мийикде шош кетиб, барады,
Саулай джерни джарытыб, биз да алгъышлай,
Бюгече бизде бек уллу той барады,
Джарыкъды, джюрекле джайгъы тангы атханлай.

Джаш тёлю харс ура чыгъыб тюз тепсейди,
Къууанчдан толуб, мени джаш джюрегим,
Сизни бла бирге мен джангы джуртла ишлейме,
Джашауда болуб мени этген муратым.

Акъ тауланы башын сылай, баралла
Мийик кёкде дженгил кёксюл булутла,
Кёллендиргенлейин туралла мени уа
Кюнден-кюннге джангыдан джангы умутла. 

Комментариев нет

  • Зарегистрируйтесь чтобы пользоваться плейлистом.