Аудио :: Аудио:: Теппеев Алим

Чомартны къолу берекет.
Игини сыйлагъан адетди.
Зарда марда джокъ.
Этни да ашады, бетни да ашады.
Акъыл аздырмаз, билим тоздурмаз.
Эки элинги тыйсанг, джети элде махталырса.
Джаш болсун, къыз болсун, акъылы, саны тюз болсун.
Бир абыннган – минг сюрюнюр.
Эллинг бла джау болсанг да, юйюнг бла джау болма.
Гугук кесини атын айтыб къычыргъанча, мен, мен деб нек тураса?
Эринчекни эр алмаз, эр алса да, кёл салмаз, кёл салса да, кёб бармаз!
Тилчиден кери бол.
Къызын тута билмеген, тул этер, джашын тута билмеген, къул этер.
Эркиши – от, тиширыу – суу.
Алтыда кюлмеген, алтмышда кюлмез.
Атынг аманнга чыкъгъандан эсе, джанынг тамагъынгдан чыкъсын.
Биреуге аманлыкъ этиб, кесинге игилик табмазса.
Кютгени беш эчки, сызгъыргъаны уа, джерни джарады.
Таякъ этден ётер, тил сюекден ётер.
Къралынгы – душмандан, башынгы от бла суудан сакъла.
Ач – эснер, ат – кишнер.
Ариу – кёзге, акъыл – джюрекге.
Намысы джокъну – дуниясы джокъ.
Аллахха ийнаннган кишини, Аллах онгдурур ишин.
Аман киши кеси юйюнде – къонакъ.
Эркишиге тары кебек танг кёрюнюр.
Ат да турмайды бир териде.
Таула не мийик болсала да, аууш табылыр.
Ариу джол аджал келтирмез.
Сангырау къулакъ эл бузар.
Къонакъ кёб келюучю юйню, къазаны отдан тюшмез.
Аджашхан тёгерек айланыр.
Суугъа – таянма, джаугъа – ийнанма.
Джогъун бар этген, барын бал этген.
Азыкълы ат арымаз, къатыны аман джарымаз.
Ётюрюкню къуйругъу – бир тутум.
Болджал ишни бёрю ашар.
Сютню башын джалагъан къутулур, тюбюн ичген тутулур.
Бек анасы джыламаз.
Джол бла сёзню къыйыры джокъ.
Босагъагъа джууукъ орун болса, ашыгъыб тёрге озма.
Кёзден кетген, кёлден да кетеди.
Бёрю да ач къалмасын, эчки да ашалмасын.
Ана кёлю – балада, бала кёлю – талада.
Байлыкъ тауусулур, билим тауусулмаз.
Ушамагъан – джукъмаз.
Ышармагъан – кюлмез, кюлмеген – къууанчны билмез.
Сескекли кесин билдирир.
Тюзлюк тас болмайды.
Соргъан айыб тюлдю, билмеген айыбды.

Логин:	Регистрация

Пароль:	Забыли пароль?

Запомнить меня

Аудио

Теппеев Алим

Скачать

Адрес