Расширенный поиск
19 Апреля 2026 года
Логин: Регистрация
Пароль: Забыли пароль?
Навигация
Словарь
  • Бозанг болмагъан джерге, къалагъынгы сукъма.
  • Келгинчи, къонакъ уялыр, келгенден сора, къонакъбай уялыр.
  • Джашлыкъ этмеген, башлыкъ этмез.
  • Рысхысына кёре, джаш ёсер, къышлыгъына кёре, мал ёсер.
  • Тулпарлыкъ, билекден тюл – джюрекден.
  • Термилгенинги табмазса, кюлгенинге тюберсе.
  • Джылыгъа джылан илешир.
  • Адеб джокъда, намыс джокъ.
  • Эм ашхы къайын ана мамукъ бла башынгы тешер.
  • Аманнга игилик этсенг, юйюнге сау бармазса.
  • Адам къыйынлыгъын кёлтюрюр, зауукълугъун кёлтюрмез.
  • Орундукъ тюбюнде атылсам да, орта джиликме, де да айлан.
  • Уллу къашыкъ эрин джыртар.
  • Кесине оноу эте билмеген, халкъына да эте билмез.
  • Ачылгъан эт джабылыр, кёрген кёз унутмаз.
  • Аман эсирсе, юйюн ояр.
  • Игини сыйлагъан адетди.
  • Адам сёзюнден белгили.
  • Тилде сюек болмаса да, сюек сындырыр.
  • Тёрдеги кюлсе, эшикдеги ышарыр.
  • Ачлыкъда тары гырджын халыуадан татлы.
  • Джырчы джырчыгъа – къарнаш.
  • Айтылгъан буйрукъ, сёгюлмез
  • Эр сокъур болсун, къатын тилсиз болсун.
  • Урама да – ёледи, сатама да – келеди.
  • Къарнынг тойгъунчу аша да, белинг талгъынчы ишле.
  • Тилсиз миллет джокъ болур.
  • Юреннген ауруу къалмаз.
  • Бозаны арты дауур болур.
  • «Ма», - дегенни билмесенг, «бер», - дегенни билмезсе.
  • Эртде тургъан бла эртде юйленнген сокъуранмаз.
  • Ёзденликни джайгъан – джокълукъ.
  • Билим – акъылны чырагъы.
  • Узун джолну барсанг, бюгюн келирсе, къысха джолну барсанг, тамбла келирсе.
  • Аман адам этегингден тутса, кес да къач.
  • Нафысынгы айтханын этме, намысынгы айтханын эт.
  • Дженгил джетерикме деб, узун джолну къоюб, къысхасын барма.
  • Ушамагъан – джукъмаз.
  • Бюгюн дуния кибик, тамбла ахыратды.
  • Билгенни къолу къарны джандырыр.
  • Аман адам элни бир-бирине джау этер.
  • Ашхы атаны – джашы ашхы, ашхы ананы – къызы ашхы.
  • Ачлыкъ отха секиртир.
  • Джерни букъусу кёкге къонмаз.
  • Намысы джокъну – дуниясы джокъ.
  • Тюз сёз баргъан сууну тыяр.
  • Джан саулукъ бермей, сан саулукъ бермезсе.
  • Джарлы эскисин джамаса, къууаныр.
  • Аманнга да, игиге да оноусуз къатышма.
  • Сагъышы джокъ – джукъучу, акъылы джокъ – къаугъачы.

Аудио

Токов Мурат

Файлов: 20

Обновлен: 06.07.2017

  • Токов Мурат Сени атынгы айтама
(Голосов: 6, Рейтинг: 5)

Описание

Дата: 25.06.2013
Прослушиваний: 2941
Скачиваний: 1683
Размер: 7.7 МБ
Текст песни:
музыка Аминат Шидаковой
стихи Кайсына Кулиева

Къууанч сагъатымда
Не мыдах болгъанда,
Атынгы айта турама,
Мийик булутлагъа,
Джарыкъ джулдузлагъа
Сени хапарынгы сорама.

Припев:
Къамагъа джазылгъан,
Джылтыраб тургъан
Джазыугъа ушайды атынг,
Андан ариу джокъча,
Тюрленмей турлукъча
Кёрюндю манга сыфатынг.

Припев.

Джолда кетиб бара,
Акъ таулагъа къараб,
Мен санга джырла этеме,
Къарлы къаяладан,
Чынгыл башларындан,
Атынгы айта, ётеме.

Припев.

Чолпан джулдуз – атынг,
Джарыкъ кюн – сыфатынг,
Мени джолуму джарытхан,
Сен – шаудан сууумса,
Сен – джазгъы тангымса,
Тауланы джарыта атхан.

Припев.

Джыр джылы кюйдюрген,
Джырчыгъа сюйдюрген,
Сен - ариуланы бирисе.
Джарлы назмучуну,
Ол джарлы джырчыны
Сен - джарыкъ тийген кюнюсе.

Припев.

Комментариев нет

  • Зарегистрируйтесь чтобы пользоваться плейлистом.