Расширенный поиск
8 Сентября 2026 года
Логин: Регистрация
Пароль: Забыли пароль?
Навигация
Словарь
  • Адамны адамлыгъы къыйынлыкъда айгъакъланады.
  • Ата джурт – алтын бешик.
  • Къартны сыйын кёрмеген, къартлыгъында сыйлы болмаз.
  • Эки къатын алгъанны къулагъы тынгнгаймаз.
  • Ашда уялгъан – мухар, ишде уялгъан – хомух.
  • Аманны эки битли тону болур, бирин сеннге кийдирир, бирин кеси киер.
  • Сыфатында болмагъаны, суратында болмаз.
  • Ишни ахырын ойламай, аллын башлама.
  • Ишлерге уял да, ашаргъа табма.
  • Ачлыкъда тары гырджын халыуадан татлы.
  • Харам къарнашдан, халал тенг ашхы.
  • Къыйынлы джети элни къайгъысын этер.
  • Башсыз урчукъ тюзюне айланмаз.
  • Кюн – узун, ёмюр – къысха.
  • Адам туугъан джеринде, ит тойгъан джеринде.
  • Къозулугъунда тоймагъан, къойлугъунда тоймаз.
  • Аз айтсам, кёб ангылагъыз.
  • Тин – байлыгъынг, терен саулугъунг.
  • Иги – алгъыш этер, аман – къаргъыш этер.
  • Ушамагъан – джукъмаз.
  • Ач бёрюге мекям джокъ.
  • Азыкълы ат арымаз, къатыны аман джарымаз.
  • Джаш болсун, къыз болсун, акъылы, саны тюз болсун.
  • Тилчи бир сагъатха айлыкъ хата этер.
  • Ышармагъан – кюлмез, кюлмеген – къууанчны билмез.
  • Билимсиз иш бармаз.
  • Джарлыны эшигин махтагъан джабар.
  • Джахил болса анасы, не билликди баласы?
  • Сибиртки да сыйлы болду, кюрек да кюнлю болду.
  • Намыс сатылыб алынмайды.
  • Джаш къарыу бла кючлю, къарт акъыл бла кючлю.
  • Керти сёзге тёре джокъ.
  • Окъуу – билимни ачхычы, окъуу – дунияны бачхычы.
  • Юйлю уругъа ит чабмаз.
  • Аман эсирсе, юйюн ояр.
  • Биреуню тёрюнден, кесинги эшик артынг игиди.
  • Акъыллы – эл иеси, тели – эл баласы.
  • Бир абыннган – минг сюрюнюр.
  • Мени джылытмагъан кюн, меннге тиймесин!
  • Кёб джашагъан – кёб билир.
  • Къонакъ аз олтурур, кёб сынар.
  • Ауругъаннга – кийик саулукъ, джетген къызгъа – чилле джаулукъ.
  • Кёбню кёрген – кёб билир.
  • Тынгылагъан тынгы бузар.
  • Чыбыкълыкъда бюгюлмеген, къазыкълыкъда бюгюлмей эди.
  • Уллу къашыкъ эрин джыртар.
  • Тёгюлген тюгел джыйылмайды.
  • Кёбден умут этиб, аздан къуру къалма.
  • Аман адам элни бир-бирине джау этер.
  • Тойгъан антын унутур.

Аудио

Токов Мурат

Файлов: 20

Обновлен: 06.07.2017

  • Токов Мурат Сени атынгы айтама
(Голосов: 6, Рейтинг: 5)

Описание

Дата: 25.06.2013
Прослушиваний: 3006
Скачиваний: 1684
Размер: 7.7 МБ
Текст песни:
музыка Аминат Шидаковой
стихи Кайсына Кулиева

Къууанч сагъатымда
Не мыдах болгъанда,
Атынгы айта турама,
Мийик булутлагъа,
Джарыкъ джулдузлагъа
Сени хапарынгы сорама.

Припев:
Къамагъа джазылгъан,
Джылтыраб тургъан
Джазыугъа ушайды атынг,
Андан ариу джокъча,
Тюрленмей турлукъча
Кёрюндю манга сыфатынг.

Припев.

Джолда кетиб бара,
Акъ таулагъа къараб,
Мен санга джырла этеме,
Къарлы къаяладан,
Чынгыл башларындан,
Атынгы айта, ётеме.

Припев.

Чолпан джулдуз – атынг,
Джарыкъ кюн – сыфатынг,
Мени джолуму джарытхан,
Сен – шаудан сууумса,
Сен – джазгъы тангымса,
Тауланы джарыта атхан.

Припев.

Джыр джылы кюйдюрген,
Джырчыгъа сюйдюрген,
Сен - ариуланы бирисе.
Джарлы назмучуну,
Ол джарлы джырчыны
Сен - джарыкъ тийген кюнюсе.

Припев.

Комментариев нет

  • Зарегистрируйтесь чтобы пользоваться плейлистом.