Аудио :: Аудио:: Токов Мурат

Бал ашаргъа сюе эсенг, чибин ургъаннга тёз.
Ачны эсинде – аш.
Биреуге аманлыкъны тилеме да, кесинге ашхылыкъны тиле.
Аш иеси бла татлыды.
Киштикге къанат битсе, чыпчыкъ къалмаз эди.
Тилсиз миллет джокъ болур.
Тас болгъан бычакъны сабы – алтын.
Уясында не кёрсе, учханында аны этер.
Насыб бютеу халкъны юлюшюдю.
Кёзю сокъурдан – къоркъма, кёлю сокъурдан – къоркъ.
Сормай – алма, чакъырылмай – барма.
Кийиминг бла танылма, адамлыкъ бла таныл.
Башланнган иш битер, къымылдагъан тиш тюшер.
Эллинг бла джау болсанг да, юйюнг бла джау болма.
Джюрек кёзден алгъа кёрюр.
Тёрени джагъы джокъ.
Къобан да къуру да къобханлай турмайды, адам да къуру да патчахлай турмайды.
Адам туугъан джеринде, ит тойгъан джеринде.
Урунуу – насыбны анасы.
Башы ишлегенни, ауузу да ишлер.
Иги сеники эсе да, сюйген кесимикин этеме.
Джол бла сёзню къыйыры джокъ.
Байлыкъ тауусулур, билим тауусулмаз.
Тили узунну, намысы – къысха.
Ёпкелегенни ашы татлы болады.
Арыгъан къош чамчы болур.
Билмейме деген – бир сёз
Чабакъгъа акъыл, табагъа тюшсе келеди.
Сагъыш – къартлыкъгъа сюйюмчю.
Тойчу джашха къарама, къойчу джашха къара.
Иги адам абынса да, джангылмаз.
Чакъырылмагъан къонакъ тёрге атламаз.
Билмезни кёзю кёрмез, этмезни къулагъы эшитмез.
Айран тёгюлсе, джугъусу къалыр.
Чомарт джарлы болмаз.
Кийимни бир кюнню аясанг, минг кюннге джарар.
Атадан ёксюз – бир ёксюз, анадан ёксюз – эки ёксюз.
Аш берме да, къаш бер.
Хунаны тюбюн къазсанг, юсюнге ауар.
Сангырау къулакъ эл бузар.
Уллу суу бла уллу ауруудан башынгы сакъла.
Тилчиден кери бол.
Намыс сатылыб алынмайды.
Джангызны оту джарыкъ джанмаз!
Телини эшигин, махтау джабар.
Гыдай эчки суугъа къараб, мюйюзле кёрмесе, джашма алкъын, дегенди.
Чакъырылмай келген къонакъ сыйланмай кетер.
Билмегенинги, билгеннге сор.
Бир абыннган – минг сюрюнюр.
Гугурук къычырмаса да, тангны атары къалмаз.

Логин:	Регистрация

Пароль:	Забыли пароль?

Запомнить меня

Аудио

Токов Мурат

Скачать

Адрес