Аудио :: Аудио:: Токов Мурат

Джауумдан сора, кюн кюйдюрюр, ётюрюкден сора, айыб кюйдюрюр.
Дууулдаса – бал чибин, къонса – къара чибин.
Аз айтсам, кёб ангылагъыз.
Чомартха Тейри да борчлуду.
Кёб джат да, бек чаб.
Эр абынмай, эл танымаз.
Къонакъ кёб келюучю юйню, къазаны отдан тюшмез.
Ашын ашагъанынгы, башын да сыйла.
Мен да «сен», дейме, сен да «кесим», дейсе.
Эл бла кёргенинг эрелей.
Кёл ашады да, кеси ашады.
Сыфатында болмагъаны, суратында болмаз.
Айырылгъанланы айю ашар, бёлюннгенлени бёрю ашар.
Ётюрюкден тюбю джокъ, кёлтюрюрге джиби джокъ.
Магъанасыз сёз – тауушсуз сыбызгъы.
Ашхы – джыяр, аман – джояр.
Юйюнг бла джау болгъандан эсе, элинг бла джау бол.
Оюмсуз атлагъан, аджалсыз ёлюр.
Ашхы атаны – джашы ашхы, ашхы ананы – къызы ашхы.
Гырджын – тепсини тамадасы.
Ата – билек, ана – джюрек!
Ауузу аманнга «иги», деме.
Этни бети бла шорпасы.
Ёзденликни джайгъан – джокълукъ.
Билгенни къолу къарны джандырыр.
Билими азны – ауузунда кирит.
Шайтан алдады, тюзлюк къаргъады.
Ауругъанны сау билмез, ач къарынны токъ билмез.
Къарны аманнга къазан такъдырма, къолу аманнга от джакъдырма.
Кюл тюбюндеги от кёрюнмейди.
Къошда джокъгъа – юлюш джокъ.
Джангыз торгъай джырламаз.
Садакъачыны джаны – къапчыгъында.
Бал – татлы, балдан да бала – татлы.
Ишлерге уял да, ашаргъа табма.
Джаш къарыу бла кючлю, къарт акъыл бла кючлю.
Къайгъы тюбю – тенгиз.
Дуния аламаты сен эсенг да, игиме деб айтма.
Халкъны юйю – туугъан джери.
Ушамагъан – джукъмаз.
Акъыл къартда, джашда тюйюлдю – башдады.
Джыланны къуйругъундан басарынг келсе, аны башы болгъанын унутма.
Эл ауузу – элек, анга ийнаннган – халек.
Ач бёрюге мекям джокъ.
Башсыз урчукъ тюзюне айланмаз.
Рысхы джалгъанды: келген да этер, кетген да этер.
Ашхылыкъ джерде джатмайды, аманлыкъ суугъа батмайды.
Билмегенинги, билгеннге сор.
Ашда уялгъан – мухар, ишде уялгъан – хомух.
Аджашханны ызындагъы кёреди, джангылгъанны джанындагъы биледи.

Логин:	Регистрация

Пароль:	Забыли пароль?

Запомнить меня

Аудио

Токов Мурат

Скачать

Адрес