Расширенный поиск
10 Сентября 2026 года
Логин: Регистрация
Пароль: Забыли пароль?
Навигация
Словарь
  • Танг атмайма десе да, кюн къоярыкъ тюйюлдю.
  • Рысхысына кёре, джаш ёсер, къышлыгъына кёре, мал ёсер.
  • Адамны аты башхача, акъылы да башхады.
  • Адамны сыфатына къарама, сёзюне къара.
  • Ишлерге уял да, ашаргъа табма.
  • Акъыллы айтыр эди, акъылсыз къоймайды.
  • Къумурсхала джыйылсала, пилни да джыгъадыла.
  • Ариу сёзде ауруу джокъ.
  • Ишлегенде эринме, ишде чолакъ кёрюнме.
  • Аз сёлешген, къайгъысыз турур.
  • Къоркъакъны кёзю экили кёрюр.
  • Уллу къашыкъ эрин джыртар.
  • Экиндини кеч къылсанг, чабыб джетер ашхам.
  • Азыгъы аз, алгъа къабар, аты аман, алгъа чабар.
  • Эркишини аманы тиширыуну джылатыр.
  • Суу да къайтады чыкъгъан джерине.
  • Ушамагъан – джукъмаз.
  • От кюйдюрген, сау болса да, тот кюйдюрген, сау болмаз.
  • Джеринден айырылгъан – джети джылар, джуртундан айырылгъан – ёлгюнчю джылар.
  • Ёпкелегенни ашы татлы болады.
  • Тёрдеги кюлсе, эшикдеги ышарыр.
  • Ёнгкюч къууана барыр, джылай келир.
  • Нарт сёз къарт болмаз.
  • Халкъны джырын джырласанг, халкъ санга эжиу этер.
  • Юреннген ауруу къалмаз.
  • Эм ашхы къайын ана мамукъ бла башынгы тешер.
  • Ёксюзню тилеги къабыл болур.
  • Байлыкъ болгъан джерде, тынчлыкъ джокъду.
  • Келинни – келгинчи, бёркню кийгинчи кёр.
  • Арбаз сайлама да, хоншу сайла.
  • Ётген ёмюр – акъгъан суу.
  • Ариу – кёзге, акъыл – джюрекге.
  • Къолунгдан къуймакъ ашатсанг да, атаны борчундан къутулмазса.
  • Къарт бла баш аша, джаш бла аякъ аша.
  • Кёзню ачылгъаны – иги, ауузну джабылгъаны – иги.
  • Ач келгенни – тойдур, кеч келгенни – къондур.
  • Ауузу бла къуш тута айланады.
  • Мадар болса, къадар болур.
  • Тилчи бир сагъатха айлыкъ хата этер.
  • Чакъырылмагъан къонакъ – орунсуз.
  • Джыйырма къойну юч джыйырма эбзе кюте эди.
  • Азыкъ аз болса, эртде орун сал.
  • Тилде сюек болмаса да, сюек сындырыр.
  • Джашлыкъ этмеген, башлыкъ этмез.
  • Ана кёлю – балада, бала кёлю – талада.
  • Кюлме джашха – келир башха.
  • Элиб деген, элге болушур.
  • Къайгъыны сюйген, къайгъы табар.
  • Баланы адам этген анады.
  • Эки итни арасына сюек атма, эки адамны арасында сёз чыгъарма.

Аудио

Шунгаров Хорлам

Файлов: 13

Обновлен: 06.07.2017

  • Шунгаров Хорлам Мен сени алай сюеме
(Голосов: 2, Рейтинг: 5)

Описание

Дата: 25.11.2013
Прослушиваний: 1924
Скачиваний: 154
Размер: 7.68 МБ
Текст песни:
Музыка Хорлама Шунгарова, стихи Дианы Рахаевой.

Мен сени алай сюеме,
Ариу гюл кюнню сюйгенча.
Мен сени алай сюеме,
Кырдык джауумну сюйгенча.

Мен сени алай сюеме,
Адам хауаны сюйгенча.
Мен сени алай сюеме,
Къанатлы кёкню сюйгенча.

Мен сени алай сюеме,
Чабакъ къобанны сюйгенча.
Мен сени алай сюеме,
Булбул джырларгъа сюйгенча.

Мен сени алай сюеме,
Джырчы тойланы сюйгенча.
Мен сени алай сюеме,
Дууадакъ сууну сюйгенча.

Мен сени алай сюеме,
Тау къуш тауланы сюйгенча.
Мен сени алай сюеме,
Джарыкъ ай кёкню сюйгенча.

Мен сени алай сюеме,
Бал чибин балын сюйгенча.
Мен сени алай сюеме,
Чыпчыкъ балийни сюйгенча.

Мен сени алай сюеме,
Минги Тау къарны сюйгенча.
Мен сени алай сюеме,
Таулу тауларын сюйгенча.

Мен сени алай сюеме,
Къум тюзле сууну сюйгенча.
Мен сени алай сюеме,
Джюрек къууанчны сюйгенча.

Мен сени алай сюеме,
Акъ марал чегетни сюйгенча.
Мен сени алай сюеме,
Джугъутур джуртун сюйгенча.

Мен сени алай сюеме,
Джулдузла кёкню сюйгенча.
Мен сени алай сюеме,
Сюйген сюйгенни сюйгенча!

Комментариев нет

  • Зарегистрируйтесь чтобы пользоваться плейлистом.