Аудио :: Аудио:: Шунгаров Хорлам

Къызын тута билмеген, тул этер, джашын тута билмеген, къул этер.
Джумушакъ сёз къаты таякъны сындырыр.
Тилчиден кери бол.
Байдан умут эте, джарлыдан ёгюз багъасы къорады.
Малны кют, джерни тюрт.
Чабакъ башындан чирийди.
Къазанны башы ачыкъ болса, итге уят керекди.
Чомарт къолда мал къалмаз.
Тамбла алтындан бюгюн багъыр ашхы.
Тёрде – темир таякълы, къаяда – чыпчыкъ аякълы.
Терслик кетер, тюзлюк джетер.
Рысхысына кёре, джаш ёсер, къышлыгъына кёре, мал ёсер.
Эринчекни аурууу – кёб.
Тенгни тенглиги джашай барсанг билинир.
Игиге айтсанг – билир, аманнга айтсанг – кюлюр.
Уясында не кёрсе, учханында аны этер.
Бичгенде ашыкъма, тикгенде ашыкъ.
Тёрдеги кюлсе, эшикдеги ышарыр.
Джюрекге ариу – кёзге да ариу.
Къозулугъунда тоймагъан, къойлугъунда тоймаз.
Адамны сыфатына къарама, сёзюне къара.
Агъач – джерни чырайы, кийим – эрни чырайы.
Адамны сабийин сюйген джюреги, бычакъча, джитиди.
Эр абынмай, эл танымаз.
Юй кюйдю да, кюйюз чыкъды, ортасындан тюйюш чыкъды.
Къызбайны юйюне дери сюрсенг, батыр болур.
Адеб базарда сатылмаз.
Эл ауузу – элия.
Арбаз сайлама да, хоншу сайла.
Хар адамгъа кеси миннген тау кибик.
Ашлыкъны арба юйге келтирир, чана базаргъа элтир.
Бюгюн дуния кибик, тамбла ахыратды.
Ач да бол, токъ да бол – намысынга бек бол.
Кёз – сюйген джерде, къол – ауругъан джерде.
Бет бетге къараса, бет да джерге къарар.
Чакъырылмагъан къонакъ тёрге атламаз.
Билими азны – ауузунда кирит.
Чомарт бергенин айтмаз.
Окъ къызбайны джокълайды.
Джашынгы кесинг юретмесенг, джашау юретир.
Тюкюрюк баш джармаз, налат кёз чыгъармаз!
Зарда марда джокъ.
Биреуге аманлыкъны тилеме да, кесинге ашхылыкъны тиле.
Акъыллы айтыр эди, акъылсыз къоймайды.
Джогъун бар этген, барын бал этген.
Айраннга суу къош, телиге джол бош.
Джырчы ёлсе, джыры къалыр.
Игилик игилик бла сингдирилиучю затды.
Ата Джуртуму башы болмасам да, босагъасында ташы болайым.
Аманнга алтын чыдамаз.

Логин:	Регистрация

Пароль:	Забыли пароль?

Запомнить меня

Аудио

Шунгаров Хорлам

Скачать

Адрес