Расширенный поиск
10 Сентября 2026 года
Логин: Регистрация
Пароль: Забыли пароль?
Навигация
Словарь
  • Адамны джюреги нени кёрюрге сюйсе, кёзю да аны кёрюрге ёч болады.
  • Азыкълы ат арымаз, къатыны аман джарымаз.
  • Айранын берсенг, челегин да къызгъанма.
  • Джарлы джети элни сёзюн этер.
  • Тёзгеннге, джабылгъан эшик ачылыр.
  • Керек ташны ауурлугъу джокъ.
  • Къонагъы джокъну – шоху джокъ.
  • Къолунгдан къуймакъ ашатсанг да, атаны борчундан къутулмазса.
  • Адамны сыфатына къарама, сёзюне къара.
  • Ариу джол аджал келтирмез.
  • Атынг аманнга чыкъгъандан эсе, джанынг тамагъынгдан чыкъсын.
  • Къаллай салам берсенг, аллай джууаб алырса.
  • Кёл – къызбай, къол – батыр.
  • Джауумдан сора, кюн кюйдюрюр, ётюрюкден сора, айыб кюйдюрюр.
  • Аманны эки битли тону болур, бирин сеннге кийдирир, бирин кеси киер.
  • Къонагъынгы артмагъын алма да, алгъышын ал.
  • Къартны бурнун сюрт да, оноугъа тут.
  • Билмезни кёзю кёрмез, этмезни къулагъы эшитмез.
  • Келлик заман – къартлыкъ келтирир, кетген заман – джашлыкъ ёлтюрюр.
  • Элиб деген, элге болушур.
  • Эски джаугъа ышанма.
  • Бек ашыкъгъан меннге джетсин, дегенди аракъы.
  • Кирсизни – саны таза, халалны – къаны таза.
  • Тай асырагъан, атха минер.
  • Тамбла алтындан бюгюн багъыр ашхы.
  • Таукел адам тау тешер.
  • Танг атмайма десе да, кюн къоярыкъ тюйюлдю.
  • Гугук кесини атын айтыб къычыргъанча, мен, мен деб нек тураса?
  • Ач къалгъандан, кеч къалгъан къолай.
  • Кимни – тили, тиши онглу, кимни – къолу, иши онглу.
  • Баш болса, бёрк табылыр.
  • Ханы къызы буюгъа-буюгъа киштик болду.
  • Къатын къылыкъсыз, эр тынчлыкъсыз.
  • Къарнынг къанлынга кийирир.
  • Дуния малгъа сатылма, кесингден телиге къатылма.
  • Ашлыкъ – бюртюкден, джюн – тюкден.
  • Хазыр ашха – терен къашыкъ.
  • Аш хазыр болса, иш харам болур.
  • Киштикге къанат битсе, чыпчыкъ къалмаз эди.
  • Малны кют, джерни тюрт.
  • Ач бёрюге мекям джокъ.
  • Этни бети бла шорпасы.
  • Ата Джуртуму башы болмасам да, босагъасында ташы болайым.
  • Къарт бла баш аша, джаш бла аякъ аша.
  • Олтуруб кёрюнмей эди да, ёрге туруб кёрюне эди.
  • Чомартха Тейри да борчлуду.
  • «Ма», - дегенни билмесенг, «бер», - дегенни билмезсе.
  • Сыфатында болмагъаны, суратында болмаз.
  • Уллу айтханны этмеген – уллаймаз.
  • Окъуу – билимни ачхычы, окъуу – дунияны бачхычы.

Аудио

Токов Мурат

Файлов: 20

Обновлен: 06.07.2017

  • Токов Мурат Къарачайым-Малкъарым
(Голосов: 1, Рейтинг: 4)

Описание

Дата: 07.01.2014
Прослушиваний: 1857
Скачиваний: 103
Размер: 8 МБ
Текст песни:
КЪАРАЧАЙЫМ - МАЛКЪАРЫМ
музыка Бориса Турклиева 
слова Норий Созарукова 

Деу аланла зорчуладан, джауладан,
Кёб ёмюрлени Аллах бла сакъланнган.
Сейир джуртну эркелете, ийнакълай,
Биз джашайбыз Малкъар бла Къарачай.

Бу дунияны джандети, деб аталгъан,
Тау джерибиз махтау бла айтылгъан.
Сууларыбыз - тамам кюмюш белибау,
Къууанчыбыз - эки башлы Минги Тау.


ПРИПЕВ:
Къарачайым, Малкъарым!
Экибиз да эки учар къанатым.
Бир миллетден джаратылгъан эки халкъ,
Шох турабыз бир-бирге болуб джакъ.


Тамаданы сыйлаб орун бергенле,
Тиширыуну ана къачын кёргенле.
Къартларыбыз тюз оноулу келбетли,
Джаш тёлюбюз тау намыслы, адетли.

Къыйын кюнде шохун, тенгин сатмагъан,
Башхалагъа сауут алыб чабмагъан,
Тюзлюк джолда тенг атлагъан эгизле,
Зорлукъ ачыу сынамагъыз ёмюрде.


ПРИПЕВ:
Къарачайым, Малкъарым!
Экибиз да эки учар къанатым.
Бир миллетден джаратылгъан эки халкъ,
Шох турабыз бир-бирге болуб джакъ.

Комментариев нет

  • Зарегистрируйтесь чтобы пользоваться плейлистом.