Расширенный поиск
8 Сентября 2026 года
Логин: Регистрация
Пароль: Забыли пароль?
Навигация
Словарь
  • Баргъанынга кёре болур келгенинг.
  • Иги сеники эсе да, сюйген кесимикин этеме.
  • Ач да бол, токъ да бол – намысынга бек бол.
  • Ауурну тюбю бла, дженгилни башы бла джюрюген.
  • Рысхы – насыбха къор.
  • Джерни букъусу кёкге къонмаз.
  • Джылар джаш, атасыны сакъалы бла ойнар.
  • Джарлы джети элни сёзюн этер.
  • Адеб джокъда, намыс джокъ.
  • Эки ойлашыб, бир сёлешген.
  • Насыб бютеу халкъны юлюшюдю.
  • Адеб базарда сатылмаз.
  • Джумушакъ терекни къурт ашар.
  • Босагъа таш юйге кирмей эди, тыбыр таш эшикге чыкъмай эди.
  • Хар сёзню орну барды.
  • Джюрекден джюрекге джол барды.
  • Рысхы – сют юсюнде кёмюк кибикди.
  • Ач къалгъандан, кеч къалгъан къолай.
  • Аман эсирсе, юйюн ояр.
  • Тёрдеги кюлсе, эшикдеги ышарыр.
  • Тик ёргени, тик энгишгеси да болады.
  • Юре билмеген ит, къонакъ келтирир.
  • Сакъламагъан затынга джолукъсанг, не бек къууанаса, не бек ачыйса.
  • Хантына кёре тузу, юйюне кёре къызы.
  • Келлик заман – къартлыкъ келтирир, кетген заман – джашлыкъ ёлтюрюр.
  • Азыкълы ат арымаз, къатыны аман джарымаз.
  • Адам бла мюлк юлешмеген эсенг, ол адамны билиб бошагъанма, деб кесинги алдама.
  • Чабар ат – джетген къыз.
  • Айтхан – тынч, этген – къыйын.
  • Къайтырыкъ эшигинги, къаты уруб чыкъма.
  • Эски джаугъа ышанма.
  • Къарнынг тойгъунчу аша да, белинг талгъынчы ишле.
  • Джаш болсун, къыз болсун, акъылы, саны тюз болсун.
  • Джюрек кёзден алгъа кёрюр.
  • Хата – гитчеден.
  • Кийиминг бла танылма, адамлыкъ бла таныл.
  • Джаралыны джастыгъында сау ёлюр.
  • Эртде тургъан джылкъычыны эркек аты тай табар.
  • Ханнга да келеди хариблик.
  • Экиндини кеч къылсанг, чабыб джетер ашхам.
  • Бети – къучакълар, джюреги – бычакълар.
  • Айран тёгюлсе, джугъусу къалыр.
  • Окъуусуз билим – джокъ, билимсиз кюнюнг – джокъ.
  • Къулакъдан эсе, кёзге ышан.
  • Гыдай эчки суугъа къараб, мюйюзле кёрмесе, джашма алкъын, дегенди.
  • Джыйырма къойну юч джыйырма эбзе кюте эди.
  • Эртде тургъан бла эртде юйленнген сокъуранмаз.
  • Джашынгы кесинг юретмесенг, джашау юретир.
  • От кюйдюрген, сау болса да, тот кюйдюрген, сау болмаз.
  • Тиширыусуз юй – отсуз от джагъа.

Аудио

Борлаков Рустам

Файлов: 22

Обновлен: 10.07.2017

  • Борлаков Рустам Къобан бла Теберди
(Голосов: 1, Рейтинг: 5)

Описание

Дата: 20.05.2014
Прослушиваний: 1433
Скачиваний: 40
Размер: 6.37 МБ
Текст песни:
Музыка Хасана Хубиева, стихи Азамата Суюнчева.

Тауларымы арасында,
Миллетими къаласында
Таулу юйюрде сен тур.
Сени атынгы айтдырлыкъла,
Насыбынгы сакъларыкъла
Къарачайда эки суу.

Припев:
Къанатларым - Къобан бла Теберди,
Сизден ариу джер юсюнде ким кёрдю?
Къан тамырлача таулагъа,
Эркин джюрекге саугъагъа
Сизни халкъыма Аллах берди.

Къаяларынгда ойнайла,
Чегетлерингде отлайла
Джугъутурла, эчки, буу.
Къарнашлача, къучакълайла,
Эгечлеча, ийнакълайла
Шахарымы эки суу.

Припев.

Джангы тууугъан уланынгы,
Къартлыкъ басхан чал башынгы
Аланы сууу бла джуу.
Анача белляу этелле,
Атача къарыу берелле
Миллетиме эки суу.

Припев.

Комментариев нет

  • Зарегистрируйтесь чтобы пользоваться плейлистом.