Аудио :: Аудио:: Борлаков Рустам

Къонакъ кёб келюучю юйню, къазаны отдан тюшмез.
Джыйырма къойну юч джыйырма эбзе кюте эди.
Сибиртки да сыйлы болду, кюрек да кюнлю болду.
Ойнай билмеген, уруб къачар.
Тил – миллетни джаны.
Сёз – кюмюш, джыр – алтын.
Чакъырылмагъан къонакъ къачан кетерин сормаз.
Билим насыб берир, билим джолну керир.
Эрине къаргъыш этген къатын, эрнин къабар.
Мухарны эси – ашарыкъда.
Ариу сёзде ауруу джокъ.
Ашда – бёрю, ишде – ёлю.
Джолунга кёре – джюрюшюнг, джагъанга кёре – юлюшюнг.
Эр абынмай, эл танымаз.
Урунуу – насыбны анасы.
Чалманны аллы къалай башланса, арты да алай барады.
Сёлеш деб шай берген, тохта деб, сом берген.
Дуния малгъа сатылма, кесингден телиге къатылма.
Терслик кетер, тюзлюк джетер.
Атынг аманнга чыкъгъандан эсе, джанынг тамагъынгдан чыкъсын.
Аш иеси бла татлыды.
Аманнга игилик этсенг, юйюнге сау бармазса.
Ашхы болсанг, атынг чыгъар, аман болсанг, джанынг чыгъар.
Узун джолну барсанг, бюгюн келирсе, къысха джолну барсанг, тамбла келирсе.
Тас болгъан бычакъны сабы – алтын.
Aдам боллукъ, сыфатындан белгили.
Элге къуллукъ этмеген, элге ие болмаз.
Нарт сёз къарт болмаз.
Урама да – ёледи, сатама да – келеди.
Ашаса, ашамаса да, бёрюню ауузу – къан.
Джарлы эскисин джамаса, къууаныр.
Мал тутхан – май джалар.
Окъдан джара эртде-кеч болса да бителир, сёз джара, ёмюрге къалыр.
Тойгъан антын унутур.
Ётюрюкню къуйругъу – бир тутум.
Къарт бла баш аша, джаш бла аякъ аша.
Ким бла джюрюсенг, аны кёзю бла кёрюнюрсе.
Халкъны юйю – туугъан джери.
Ёлюк кебинсиз къалмаз.
Халкъгъа джарагъан, джарлы къалмаз.
Адебни адебсизден юрен.
Битмегеннге сакъал – танг.
Билмейме деген – бир сёз
Тёгюлген тюгел джыйылмайды.
Ата Джуртча джер болмаз, туугъан элча эл болмаз.
Арпа, будай – ащды, алтын, кюмюш а – ташды.
Арбаз къынгырды да, ийнек сауалмайма.
Суу ичген шауданынга тюкюрме.
Ач уят къоймаз.
Къайгъы тюбю – тенгиз.

Логин:	Регистрация

Пароль:	Забыли пароль?

Запомнить меня

Аудио

Борлаков Рустам

Скачать

Адрес