Расширенный поиск
10 Сентября 2026 года
Логин: Регистрация
Пароль: Забыли пароль?
Навигация
Словарь
  • Кёбню кёрген – кёб билир.
  • Адамны аты башхача, акъылы да башхады.
  • Артына баргъанны, къатына барма.
  • Арбаз къынгырды да, ийнек сауалмайма.
  • Атынг аманнга чыкъгъандан эсе, джанынг тамагъынгдан чыкъсын.
  • Къызны минг тилер, бир алыр.
  • Аман эсирсе, юйюн ояр.
  • Ёксюзню къалачы уллу кёрюнюр.
  • Биреуге аманлыкъны тилеме да, кесинге ашхылыкъны тиле.
  • Окъдан джара эртде-кеч болса да бителир, сёз джара, ёмюрге къалыр.
  • Эркишини аманы тиширыуну джылатыр.
  • Бастасын ашагъан, хантусун да ичер.
  • Чакъырылмагъан къонакъ – орунсуз.
  • Адамны артындан къара сабан сюрме.
  • Ач бёрюге мекям джокъ.
  • Джети тилни билген джети кишиди.
  • Ашын ашагъанынгы, башын да сыйла.
  • Элге къуллукъ этмеген, элге ие болмаз.
  • Кёпюр салгъан кеси ётер, уру къазгъан кеси кетер.
  • Намысы джокъну – дуниясы джокъ.
  • Къарт бла баш аша, джаш бла аякъ аша.
  • Иги сеники эсе да, сюйген кесимикин этеме.
  • Аманнга алтын чыдамаз.
  • Рысхы – сют юсюнде кёмюк кибикди.
  • Ишге юренсин къоллары, халкъ бла болсун джоллары.
  • Тил – кесген бычакъ, сёз – атылгъан окъ.
  • Акъылсызны джууукъгъа алма, акъыллыны кенгнге салма.
  • Хунаны тюбюн къазсанг, юсюнге ауар.
  • Ичимден чыкъды хата, къайры барайым сата?
  • Бет бетге къараса, бет да джерге къарар.
  • Адамны аманы адамны бети бла ойнар.
  • Ариу сёз джыланны орнундан чыгъарыр.
  • Накъырданы арты керти болур.
  • Ёлюр джаннга, ёкюл джокъ.
  • Онгсузну – джакъла, тенгликни – сакъла.
  • Кюлме джашха – келир башха.
  • Тюзлюк тас болмайды.
  • Борчунг бар эсе, хурджунунга ойлаб узал.
  • Ашлыкъны арба юйге келтирир, чана базаргъа элтир.
  • Керилген да, ургъан кибикди.
  • Окъ къызбайны джокълайды.
  • Тойгъан антын унутур.
  • Джюрекге ариу – кёзге да ариу.
  • Сескекли кесин билдирир.
  • Сакъалы текени да бар, мыйыгъы киштикни да бар.
  • Бёрю да ач къалмасын, эчки да ашалмасын.
  • Кесинге джетмегенни, кёб сёлешме.
  • Къартны сыйын кёрмеген, къартлыгъында сыйлы болмаз.
  • Къуру гыбыт бек дыгъырдар.
  • Кюн – узун, ёмюр – къысха.

Аудио

Салам (группа)

Файлов: 41

Обновлен: 06.07.2017

  • Салам (группа) Таулу къызчыкъ Роза
(Голосов: 1, Рейтинг: 5)

Описание

Дата: 20.05.2014
Прослушиваний: 3749
Скачиваний: 445
Размер: 8.59 МБ
Текст песни:
Музыка Маджита Ногайлиева, стихи Хусея Джаубаева.

Булбул джырны татлылыгъы — хар сёзюнгде,
Дугъумланы къаралыгъы — кёзюнгде,
Таулу къызчыкъ Роза, сенсе кёз джубанчым,
Джюрегиме сыйынмагъан къууанчым.

Къобан сууну тазалыгъы — иннетингде,
Джашил джазны айбатлыгъы — бетингде:
Таулу къызчыкъ Роза, джашайса джырымда,
Эсимдесе хар кюнюмде, джылымда.

Кюн таякъны сейир нюрю — къарамынгда,
Джаш кёлюмю джарытхан саламынгда:
Таулу къызчыкъ Роза, манга сёз берсенг а —
Юйюме да, джюрекгеча, кирсенг а.

Булбул джырны татлылыгъы — хар сёзюнгде,
Дугъумланы къаралыгъы — кёзюнгде,
Таулу къызчыкъ Роза, сенсе кёз джубанчым,
Джюрегиме сыйынмагъан къууанчым.

Комментариев нет

  • Зарегистрируйтесь чтобы пользоваться плейлистом.