Аудио :: Аудио:: Салам (группа)

Ишин билген, аны сыйын чыгъарады.
Арбаз къынгырды да, ийнек сауалмайма.
Экеулен сёлеше тура эселе, орталарына барыб кирме.
Аз сёлеш, кёб ишле.
Эшекге миннген – биринчи айыб, андан джыгъылгъан – экинчи айыб.
Ач къарным, тынч къулагъым.
Сыфатында болмагъаны, суратында болмаз.
Айныгъанлы алты кюн, тогъайгъанлы тогъуз кюн.
Арпа, будай – ащды, алтын, кюмюш а – ташды.
Сабийликде юретмесенг, уллу болса – тюзелмез.
Къайгъы тюбю – тенгиз.
Акъыллы эркиши атын махтар, акъылсыз эркиши къатынын махтар.
Тил бла келеди джыр да.
Этек чакъмакълары баш джаргъан, сёлешген сёзлери таш джаргъан.
Сакъалы текени да бар, мыйыгъы киштикни да бар.
Гитче джилтин уллу элни джандырыр.
Тойгъа алгъа да барма, тойда артха да къалма.
Ким бла джюрюсенг, аны кёзю бла кёрюнюрсе.
Джети тилни билген джети кишиди.
Алим болгъандан эсе, адам болгъан къыйынды.
Къолунгдан къуймакъ ашатсанг да, атаны борчундан къутулмазса.
Атлыны ашхысы, ат тизгининден билинир
Шапа кёб болса, аш татымсыз болур.
Малны кют, джерни тюрт.
Атынг аманнга чыкъгъандан эсе, джанынг тамагъынгдан чыкъсын.
Айранны сюйген, ийнек тутар.
Тойну къарнашы – харс, джырны къарнашы – эжиу.
Тёзген – тёш ашар!
Джюз элде джюз ёгюзюм болгъандан эсе, джюз джууугъум болсун.
Акъыл аздырмаз, билим тоздурмаз.
Тили узунну, намысы – къысха.
Эллинг бла джау болсанг да, юйюнг бла джау болма.
Къызбайны юйюне дери сюрсенг, батыр болур.
Къонакъ хазыр болгъанлыкъгъа, къонакъбай хазыр тюлдю.
Кёб ант этген, кёб ётюрюк айтыр.
Аш берме да, къаш бер.
Кесине гебен этелмеген, биреуге черен эте эди.
Байлыкъдан саулукъ ашхыды.
Чыбыкълыкъда бюгюлмеген, къазыкълыкъда бюгюлмей эди.
Бал – татлы, балдан да бала – татлы.
Ашда – бёрю, ишде – ёлю.
Къарт айтханны этмеген, къартаймаз.
Борчунг бар эсе, хурджунунга ойлаб узал.
Зар адамны насыбы болмаз.
Окъуусуз билим – джокъ, билимсиз кюнюнг – джокъ.
Эринчекни аурууу – кёб.
Орну джокъну – сыйы джокъ.
Аякъларынгы джууургъанынга кёре узат.
Телиге акъыл салгъандан эсе, ёлгеннге джан салырса.
Тиширыусуз юй – отсуз от джагъа.

Логин:	Регистрация

Пароль:	Забыли пароль?

Запомнить меня

Аудио

Салам (группа)

Скачать

Скачать

Альбом “АЛЬБОМ "Табигъат" - 2003г.”

Скачать

Альбом “АЛЬБОМ "Таулу къызчыкъ Роза"- 2002г.”

Адрес