Расширенный поиск
8 Сентября 2026 года
Логин: Регистрация
Пароль: Забыли пароль?
Навигация
Словарь
  • Адеб этмеген, адеб кёрмез.
  • Бозанг болмагъан джерге, къалагъынгы сукъма.
  • Аман адам элни бир-бирине джау этер.
  • Ашхы сёз таш тешер.
  • Насыб бютеу халкъны юлюшюдю.
  • Ургъан суудан башынгы сакъла.
  • Оюмсуз атлагъан, аджалсыз ёлюр.
  • Тойгъа алгъа да барма, тойда артха да къалма.
  • Джылкъыдан – ат чыгъар, тукъумдан – джаш чыгъар.
  • Биреу ашаб къутулур, биреу джалаб тутулур.
  • Тойну къарнашы – харс, джырны къарнашы – эжиу.
  • Иши джокъну, сыйы джокъ.
  • Сабий болмагъан джерде, мёлек болмаз.
  • Адебсиз адам – джюгенсиз ат.
  • Соргъан айыб тюлдю, билмеген айыбды.
  • Суугъа – таянма, джаугъа – ийнанма.
  • Сагъыш – къартлыкъгъа сюйюмчю.
  • Уллу атлама – абынырса, уллу къабма – къарылырса.
  • Адамны адамлыгъы къыйынлыкъда айгъакъланады.
  • Бал – татлы, балдан да бала – татлы.
  • Ичимден чыкъды хата, къайры барайым сата?
  • Кюл тюбюндеги от кёрюнмейди.
  • Байлыкъдан саулукъ ашхыды.
  • Ашарыкъда сайлагъаннга – чий гырджын.
  • Къатын къылыкъсыз, эр тынчлыкъсыз.
  • Аджашхан тёгерек айланыр.
  • Айтхан сёзюне табылгъан.
  • Къарнынг бла ёч алма.
  • Ишлегенде эринме, ишде чолакъ кёрюнме.
  • Биреуге аманлыкъ этиб, кесинге игилик табмазса.
  • Билеги кючлю, бирни джыгъар, билими кючлю, мингни джыгъар.
  • Билген билмегенни юретген адетди.
  • Ана – юйню кюн джарыгъы.
  • Окъуусуз билим – джокъ, билимсиз кюнюнг – джокъ.
  • Мен да «сен», дейме, сен да «кесим», дейсе.
  • Ач келгенни – тойдур, кеч келгенни – къондур.
  • Айтханы чапыракъдан ётмеген.
  • Билимден уллу байлыкъ джокъду.
  • Ариу сёзде ауруу джокъ.
  • Юйюнг бла джау болгъандан эсе, элинг бла джау бол.
  • Бал ашаргъа сюе эсенг, чибин ургъаннга тёз.
  • Азыгъы аз, алгъа къабар, аты аман, алгъа чабар.
  • Къартны бурнун сюрт да, оноугъа тут.
  • Джети тилни билген джети кишиди.
  • Ач – эснер, ат – кишнер.
  • Джангызны оту джарыкъ джанмаз!
  • Джерни букъусу кёкге къонмаз.
  • Илму – джашауну джолу.
  • Атадан ёксюз – бир ёксюз, анадан ёксюз – эки ёксюз.
  • Насыблы элин сюер, насыбсыз кесин сюер.

Аудио

Шунгаров Хорлам

Файлов: 13

Обновлен: 06.07.2017

  • Шунгаров Хорлам Къумуш эли
(Нет голосов)

Описание

Дата: 20.05.2014
Прослушиваний: 1492
Скачиваний: 100
Размер: 3.76 МБ
Текст песни:
Музыка Хорлама Шунгарова, стихи Земфиры Кочкаровой.

Кенге джайыб къучагъын,
Кёк Къобанны бойнунда
Орналгъанды Къумуш эли,
Кюн таякъла нюр чача.

Чачылмасын бу уя,
Къууанчдан толуб тыбырла,
Къартларыбыз алгъыш айта,
Хурлу аммала - оноуда!

Припев:
Къумуш эли, джаша, джашна,
Бу халынга къууана,
Ашхы ишинг бла юлгю бола,
Сукъланырча сау дуния!
Келин келиб, къызла чыгъыб,
Тохтамасын той таууш, -
Мен тилейме Аллахдан,
Къабыл болсун бу алгъыш.

Ёсе келген тёлюле
Адеб, намыс тутсунла,
Аманлыкъдан, харам ишден
Бары кери къалсынла!

Хар юйюрге, тийреге
Нюр тамчыла тамсынла!
Насыбынгы тахтасында
Ариу гюлле чакъсынла!

Припев.

Сабанларынг мелхум болсун!
Джууаш, факъыр болмасын!
Унулмай бу элде,
Тау адет да джашасын!

Джашларыбыз юйленсинле,
Терсейгенни тюзете,
Махрумлагъа эс бёле,
Онгсузлагъа кёл бере!

Припев.

Комментариев нет

  • Зарегистрируйтесь чтобы пользоваться плейлистом.