- Тилчи бир сагъатха айлыкъ хата этер.
- Аманны къуугъан, аманлыкъ табар.
- Хар зат кесини орнуна иги.
- Тойгъа алгъа да барма, тойда артха да къалма.
- Бал чибинни ургъаны – ачы, балы – татлы.
- Суугъа – таянма, джаугъа – ийнанма.
- Узун джолну барсанг, бюгюн келирсе, къысха джолну барсанг, тамбла келирсе.
- Сёз сёзню айтдырыр.
- Аджалсыз ёлюм болмаз.
- Джол бла сёзню къыйыры джокъ.
- Борчунг бар эсе, хурджунунга ойлаб узал.
- Сабийни джумушха джибер да, ызындан бар.
- Ауузу аманнга «иги», деме.
- Джети тилни билген джети кишиди.
- Окъуусуз билим – джокъ, билимсиз кюнюнг – джокъ.
- Ушамагъан – джукъмаз.
- Эки элинги тыйсанг, джети элде махталырса.
- Эл тойса, тоймагъан, эл къойса, къоймагъан.
- Ишленмеклик адамлыкъды.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Джашынгы кесинг юретмесенг, джашау юретир.
- «Ёгюз, джаргъа джууукъ барма, меннге джюк боллукъса», - дегенди эшек.
- Джыгъылгъанны сырты джерден тоймаз.
- Халкъны джырын джырласанг, халкъ санга эжиу этер.
- Джангызны оту джарыкъ джанмаз!
- Кёбню кёрген – кёб билир.
- Джан саулукъ бермей, сан саулукъ бермезсе.
- Къарнынг къанлынга кийирир.
- Акъыл къартда, джашда тюйюлдю – башдады.
- Байлыкъ тауусулур, билим тауусулмаз.
- Сибиртки да сыйлы болду, кюрек да кюнлю болду.
- Окъдан джара эртде-кеч болса да бителир, сёз джара, ёмюрге къалыр.
- Элде адам къалмаса, ит тахтагъа минер.
- Эшекни не къадар тюйсенг да, ат болмаз.
- Кёл ашады да, кеси ашады.
- Кесине гебен этелмеген, биреуге черен эте эди.
- Джумушакъ сёз къаты таякъны сындырыр.
- Эри аманны, къатыны – аман.
- Билим насыб берир, билим джолну керир.
- Чомарт бергенин айтмаз.
- Ётюрюк хапар аякъ тюбю бла джюрюйдю.
- Ата джурт – алтын бешик.
- Нёгерсизни джолу узун.
- Кёлю джокъну – джолу джокъ.
- Ач – эснер, ат – кишнер.
- Иги болса, тамадама – махтау, аман болса, меннге – айыб.
- Къонакъ аз олтурур, кёб сынар.
- Чомартны къолу берекет.
- Аджаллыгъа окъсуз шкок атылыр.
- Таугъа чыгъаллыкъ эсенг, тюзде къалма.
Чуюютлю дауат этеди!
Читают тему (гостей: 1)